تۆپبارانكرن لسەر باژارێ عین عیسا بەردەوامە
ارك نیوز .. ئەڤە بیهتر ژ دوو مەهن و گروپێن چەكدار یین بسەر حكومەتا سوریا دەمكی ڤە ، رۆژانە باژارێ عین عیسا و گوندێن وێ ئارمانج دكن ، و خەلك دەربەدەر دبن .
ژێدەرەك خوەجهی راگهاند كو دۆه ئێڤاری جارەكە دن گروپین چەكدار باژاری عین عیسا ب تۆپ و مووشەكان كرنە ئارمانج ، و د ئەنجامێ دە دوو وەلاتیێن سڤیل بگرانی برینداربوون .
دەربارێ رەوشا خەلكێن عین عیسا و گوندەوارێ وێ ، ژێدەرێ گۆت كو ژبەر بەردەوامیا ئێریشین گروپێن چەكدار لسەر عین عیسا و گوندەوارێن وێ ئیدی خەلك مال وملكێن خوە بجه دهێلن و دەربەدەری دەڤەرێن ئەولەه دبن .
ل ئالیێ دن, ئارتێشا تركیێ بارەگەهەكە لەشكەری نوو ل هه‌مبه‌ر باژارێ عین عیسا ئاڤا دكە , ژ بۆ ڤێ مه‌به‌ستێ ژی ده‌ست ب كۆلاندنا خه‌نده‌قان و ڤه‌گوهه‌ستنا ئالاڤێن له‌شكه‌ری بۆ وێ باره‌گه‌ها خوە یا نوو كریه, ئەڤ ژی دویه‌م بارەگەها توركی یا له‌شكه‌ری یه, كو د ڤان ده‌مێن داوی ده ئاڤا دكه.
250
