گروپێن چەكدار جوانەكی كورد لسەرێ كانیێ كوشتن
ارك نیوز .. لگوندەوارێ سەرێ كانیێ یێ رۆژئاڤایێ كوردستانێ ، گروپێن چەكدار یێن بسەر حكومەتا سوریا دەمكی ڤە جوانەكی كورد ب گولەیان كوشتن .
ژیدەرەك خوەجهی ژسەرێ كانیێ راگهاندن كو رۆژا بیست وچارێ ڤێ مەهێ گروپا چەكدار یا بناڤێ حەمزات گرتن سەر مالا وەلاتیێ كورد یێ بناڤێ یحیا ئبراهیم دە لگوندێ خربت حەمید لگوندەواری سەرێ كانیێ یی رۆژئاڤایێ كوردستانێ و ئەو رەڤاندن وبەرڤ جهەكی نەدیار ڤە برن .
هەمان ژێدەری دایە خویاكرن كو پشتی دوو رۆژان ژ رەڤاندنێ وی ، تەرمێ یحیا لنێزی گوند هاتە دیتن .. ژێدەرێ دا زانین كو پشتی رەڤاندنا وەلاتیێ كورد یێ بناڤی یحیا ئبراهیم ، ژ ئالیێ هەمان گروپێ ڤە هاتە گولەبارانكرن ود ئەنجامێ دە ژیانا خوە ژ دەست دا .
ژ دەما كو باژارێ سەرێ كانیێ كەتیە دەستێ توركیێ و گروپێن چەكدار دە ، و رۆژانە بنپێكرن دەرمافێ وەلاتیین كورد دە ژ گرتن ، رەڤاندن ، بنچاڤكرن ، كوشتن و دەستەسەركرنا مال وملكێن كوردان تێنە ئەنجامدان .
354
