جێمس جێفری شاندەیێ بەرێ یێ ئەمریكا بۆ سووریێ ب زمانەكی تووند هۆشداری دایە قەسەدە وگۆتیە دەرئەنجام وێ كارەساتی بن
ارك نيوز... جێمس جێفری شاندەیێ بەرێ یێ ئەمریكا بۆ سووریێ د لێدوانەكێ دە ل گەل مالپەرا المۆنتیۆر ب زمانەكی تووند هۆشداری دایە قەسەدە وگۆتیە دەرئەنجام وێ كارەساتی بن.
وەكە مالپەرا المۆنیتۆر دایەزانین كو جێمس جێفری د هۆشداریێ دە گۆتیە پێویستە هەسەدە ڤەگوهاستنا پەترۆلێ بۆ شامێ , ئانگۆ ڤەگوهاستنا پەترۆلێ بۆ رژێما ئەسەد راوەستینە، و نابە كو هەسەدە ئۆتۆنۆمیێ ئانگۆ سەربخوەیێ ژ سووریێ رابگهینە.
هەورەها جێفری گۆت پێویستە هەسەدە تەڤایا پەیوەندیێن خوە ل گەل پەكەكە كو رێخستنەكە تەرۆرستیە ببرە , وب تو ئاوایەكی نابە ژ باكوورێ رۆژهلاتێ سووریێ ئێریشی توركیا وەرە كرن.
ئەڤ لێدوانا جێمس جێفری شاندەیێ بەرێ یێ ئەمریكا بۆ سووریێ د دەمەكێ دە تێ كو ئەڤە بوویە دەمەكە شەر وپەڤچوونا ناڤبەرا گرووپێن چەكدار وهەسەدە دە بەردەوامن, ورۆسیا داخواز ژ هەسەدە كریە كو عێن عیسی رادەستی رژێما ئەسەد بكە.
شرۆڤەكارێن سیاسی دبێژن كو رۆژ ب رۆژ وهەول ژ بۆ ژناڤبرنا دانوستاندنێن كوردی كوردی بەردەوامن, وئیدی پەكەكە بوویە مەترسی ل سەر پێشەرۆژا رۆژئاڤایێ كوردستانێ
455
