شەروپەڤچوون ، وتۆپبارانكرن ل عین عیسا و گوندەوارێن وێ بەردەوامن

ارك نيوز .. شەر وپەڤچون و تۆپبارانكرن ناڤبەرا گروپێن چەكدار یێن بسەر حكومەتا سوریا دەمكی ڤە و هسدێ دە لباژارێ عین عیسا لگوندەواری گری سپی یێ رۆژئاڤایێ كوردستانی بەردەوامن هەری داوی ژی توپبارانكرنا دوو گوندان ل عین عیسایێ .

ژێدەرێن خوەجەهی ژناڤا باژارێ عین عیسا راگهاندن كو كو دۆه دانێ نیڤرۆ جارەكە دن شەر وچەڤچوونێن گران ناڤبەرا گروپێن چەكدار یێن بسەر حكومەتا سوریا دەمكی ڤە و هسدێ دە لگوندەوارێ عین عیسایێ هاتن روودان و د ئەنجاما وان شەر و پەڤچوونان دە زیانێن مادی و جانی ژ هەردوو ئالیان ڤە كەتن ، هەروەها گروپێن چەكدار ب چەكێن گران هەردوو گوندێن المشێفرە و جهبل لرۆژهەلاتێ باژارێ عین عیسایێ ئارمانجكرن .

ژێدەران سەربار كرن كو ئەڤە نێزی مەهەكێ و توپبارانكرن ژ ئالیەكی و شەر وپەڤچوون ناڤبەرا گروپێن چەكدار وهسدێ دە ل عین عیسا وگوندێن بسەرڤە بەردەوامن .

دەربارێ رەوشا خەلكێن باژارێ عین عیسا و گوندەوارێن وێ ، هەمان ژێدەرێ گۆت كو ژبەر بەردەوامیا ئیریشێن گروپێن چەكدار یێن كو د دەما داویێ دە بەرفرە و تووندتر بوونە ، ئیدی خەلكێن باژار و گوندەوارێن وێ دەربەدەر دبن و ومال وملكێن خوە ن بجه دهێلن .

وەكە هەمان ژێدەرێ دایە دیاركرن كو تا نها ب سەدان مالباتێن كورد مالێن خوە بجه هشتنە ودەربەدەری دەڤەرێن ئارام بونە .. باژارێ عین عیسا كو ب تەنێ پێنجی و دوو كیلۆمتران دوری سینۆردكەڤە ، وهەژمارا نشتەجیێن كو دناڤا باژێر بخوە دژین دگهێژە دەردۆرا دەه هەزار كەسی ، لێ نها پرانیا وان باركرنە و دەربەدەربوونە .

208