پیشكجی: پەكەكێ كار ژبۆ بداویكرنا هەبوونا هەرێما كوردستانی دكە

ارك نیوز .. نڤیسكار و جڤاكناسێ توركی اسماعیل پیشكجی تەكەز كر كو پارتیا كاركەرین كوردستانی پەكەكێ ب پشتگریا هێزێن حشدا شعبی ، كو ڤینا هەر یەك ژ وەلاتێ توركیێ ، سوریا ، عراق ، وئیران لخوە دگرە كار ژبۆ بداویكرنا هەبوونا هەرێما كوردستانی دكە ..

دۆستێ گەلێ كورد پیشكجی د گۆتارەكە خوە دە لسەر مالپەرا نەرینا ئازاد گۆت كو پەكەكێ و هێزێن حشدا شعبی هەماهەنگیێ دكن داكۆ پێشكەتنا ل هەرێما كوردستانێ هەلوشینن و بروخینن ، ئەڤ یەك ژی دیار دكە كو یاكو پارتیا كاركەرین كوردستانێ هەول ددە و دخەبتە ڤینا وەلاتێ توركیێ و عراق و سوریێ و ئیران تەمسیل دكە.

نڤیسكار و جڤاكناسێ توركی و دۆستێ گەلێ كورد سەربار كر وگۆت ژی كو ل قەزا شەنگالێ د سالا هەزار ونەهسەد و حەفتێ دە توو عەرەبەك نەبوو ، ئەڤ یەك ژی نیشان ددە كو پەكەكێ ژبۆ بەرژەوەندیا وەلاتێ ئیرانێ ل شەنگالێ بازرگانیێ دكە .

دڤێ دەربارێ دە پیشكجی رەخنەیێن تووند وتووژ لدژی پارتیا كاركەرێن كوردستانی پەكەكێ كر و گۆت كو ئەو گروپ و كۆمێن خوەجەهی یێن ب وێ رە تێكلدارن دخوازن قەزا شەنگالێ كو پرانیا وان كوردن ئیزیدی نە ژ كوردستانی ڤەقەتینن.

هەروەها دۆستێ گەلێ كورد اسماعیل پیشكجی دا خویاكرن كو گەلێ كورد ژبۆ ئازادیا هەریما كوردستانێ گەلەك قربانیێن بوها دانە ، لێ پەكەكێ و پشتگریا كۆمێن د پەرلەمنتۆیا عراقێ دە لدژی هەرێما كوردستانی رادوەستە و دخوازە تەڤلیهەڤی و نە ئارامی و ناكوكیان ل هەرێمێ دروست بكە ..

د هەمان گۆتارا خوە دە پیشكجی تەكەز كر كو دڤێ پەكەكێ كیانا هەرێما كوردستانی بزانبە ، و ئەگەر ڤێ یەكێ فێم نەكە پێویستە ئەو ژ هەریما كوردستانێ دەركەڤە.

د داویا گۆتارا خوە دە نڤیسكار و جڤاكناسێ توركی اسماعیل پیشكجی گۆت كو ئەگەر پارتیا كاركەرێن كوردستانی خوە ژ هەریما كوردستانێ ڤەنەكشینە و دەرنەكەڤە، د وێ دەمێ دە دڤێ چەكدارێن پەكەكێ وەرنە دۆرپێچكرن و سزادان .

342