شێخی: پەكەكێ قادا خوە یا راستەقینە لباكورێ كوردستانی ژبیر كرنە
ارك نیوز.... ئەندامەكی پارتیا دیمقراتا كوردستان سوریا دبیژە كریارێن پەكەكێ یێن تەرۆریستی بەرفرە بوونە ، و قادا وان یا راستەقینە لباكورێ كوردستانێ هاتیە ژبیركرن ...
عبد ئەلرحمان شێخی ئەندامێ دەستەیا شێوەرمەندیا یا پارتیا دیمقراتا كوردستان سوریا لسەر رووپەلا خوە یا تۆرا جڤاكیا فێسبووكی گۆت ژبەر كو پەكەكی د دەما نها دە د رەوشەكە تەڤلیهەڤی و ئامادەباشیەك گشتی دەیە ، لەوما دخەبتە و پرسگرێك و ئاستانگی وكێشەیان ل هەموو ئالیان دروست دكە ،
و ئەڤ یەك دیار دكە كو نامە ژ ئالیێن ناڤدەولتی و كوردستانی ژێرە هاتیە شاندن و د سەری دە وەلاتێ ئەمەریكا كو هوشیاری دایە ، ژبەر هەڤكاری و هەماهەنگیا وێ ب حشدا شعبی رە داكو فشارەك زێدە بخن سەر هەریما كوردستانێ ..
شێخی گۆت ژی ژبەر ڤێ چەندێ پەكەكێ كریارێن خوە یێن تەروریستی د دەما داویێ دە چ ل هەرێما كوردستانێ بە وچ ژی ل رۆژئاڤایێ كوردستانێ بە تووندتر و بەرفرەهتر كریە و بتایبەت لرۆژئاڤایێ كوردستانێ كو ب هەموو جورێن بنپێكرنان رادبن ژبۆ ئارمانجكرنا دانوستاندنێن كوردی كوردی
386
