پەدەكەسێ: در. سۆفی بوو شەهیدێ ئەركێ كار وخەباتا خوە
آرك نيوز... پارتیا دهمۆقراتا كوردستان سووریا پەدەكەسێ ب بۆنهیا كۆچاداویا پارێزگارێ ههولێرێ فرسهت سۆفی, نامهیهك سهرساخیێ ئاراستی سهرۆكێ حكوومهتا ههریما كوردستانێ مهسروور بارزانی كر.
.
د نامهیێ ده هاتیه: ب دلهكی خهمگین و چاڤێن هێسر, نووچهیا كۆچاداویا دكتۆر فرسهت سۆفی پارێزگارێ ههولێرێ, و مامۆستهیێ ئەكادیمی و ئەندامێ پهرلهمانا كوردستانێ ژ مه ره هات.
دكتۆر فرسهت سۆفی, یهك ژ جوانێن كوردستانێ یێن بههرهمهند بوو, و ژ كهسێن د قادێن كارێ پارتیتی, و گهلهری و رێڤهبهری ده خوه چهسپاندنه, و ب باوهریا سهرۆك مسعود بارزانی, و سهركردایهتیا پارتی ب سهر كهتبوو.
دكتۆر سۆفی, وهكه پارێزگارێ ههولێرێ بوو, و ل سهر گهلهك ئاستان د دهمهكه كورت ده, سهركهفتنێن مهزن ئەنجامدان, د دهما كو كۆرۆنا ل كوردستانێ ژ سهرێ سالێ ڤه بهلاڤ بوویه, دكتۆرر سۆفی, حساب كر كو چهنگ جهنگێ وی یه, ههردهم ل سهر كهنالێن تهلهفزیۆنی دهردكهت, و ل ههر جههكی ل ههولێرێ دهات دیتن, وهلاتی هان ددا, كو گوهدانێ ب خوه بكن, و ل مال بمینن, و خهمساریێ ب كۆرۆنایێ نهكن, و ژ بهر چالاكیێن بهردهوام ب كۆرۆنایێ كهت, و بوو پاكرهوانێ ئەركێ خهبات و كارێ خوه.
ئهم د كۆمیتا ناڤهندی یا پارتیا دهمۆقراتا كوردستان – سووریێ ده, خهم و كۆڤانێن خوه یێن كوور دهردبرینن, و ئەم ب كۆچاداویا دكتۆر. فرسهت سۆفی ههڤخهمێ ئێشا وه نه, و سهرساخیێ ژ وه و وهلاتیێن كوردستانێ و دۆست و كهسووكارێن دكتۆر. سۆفی ره ب ڤێ نووچهیا خهمگین دخواز.
ش.ع
243