ناڤەندا چاندا بارزانی داخویانیا ژ ئالیێ ئاژانسا هەوار ڤە هاتیە بەلاڤكرن شەرمەزار كر
ارك نیوز .. ناڤەندا چاندا بارزانی ل هانۆڤەر داخویانیا كو ژ ئالیێ ئاژانسا هاوار یا بسەر رێخستنا پەكەكێ ڤە هاتیە بەلاڤكرن بتوندی ئیدانە وشەرمەزار كر .
د داخویانیا ناڤەندا چاندا بارزانی ل هانۆڤەرێ وەها هاتیە د ده‌مه‌كێ ده كو هێزێن هه‌رێمی وناڤخویی ل هندر و دەرڤی عراقێ ل دژی ده‌ستكه‌فتیێن گه‌لێ مه ل هه‌رێما كوردستانێ هه‌ڤكا ن و سیاسه‌تا برچیبوونێ ل سه‌ر وان فه‌رز دكن, هەروەها ژێدەرێن ژیانێ و هێزا گه‌لێ مه یێ كورد دكن ئارمانج, دا كو ڤینا هه‌رێمێ و گه‌لێ وێ بكن بن دیكتاتۆرێن ئیرانی , دا كو هه‌رێم ب ته‌نێ ببه پارێزگه‌هه‌ك ئیرانی كو ل پارێزگه‌هێن وێ دن وەرە زێده‌كرن ، و بن سه‌روه‌ریا وێ ده به. هەڤدەمی بریارا پەرلەمنتۆیا عراقێ دەربارێ بڕینا مووچه‌یێن كارمه‌ندێن هه‌رێما كوردستانێ.
پارتیا كاركەرێن كوردستانێ پەكەكێ شەر ل دژی هه‌رێما كوردستانێ, سه‌ركردایه‌تیا وێ , پارتیا ده‌مۆكراتا كوردستانێ و مالباتا جنابێ سه‌رۆك مه‌سوود بارزانی رادگهینە ، وگۆت ئە‌ڤ رێخستنا تەرۆریستی ب ئارمانجكرنا بۆریا نه‌فتێ, كو دەمارا ئابۆری یا ژیانی یه ژ بۆ گه‌لێن هه‌رێما كوردستانێ , و ئارمانجكرنا هێزەكە پێشمەرگەیێن كوردستانێ ده‌ما كو لسەر ئەركێ خوە بوو , نه رازی بوو، بسەر دە ژی ئاژانسا هەوار یا بسەر رێخستنا پككێ ڤە داخویانیه‌ك درێژ ل سه‌ر رووپه‌لا خوه بەلاڤ كر و تێده مالباتا بارزانی و پارتیا ده‌مۆكراتا كوردستانێ تاوانبار كر كو ژ بۆ تركیێ دخه‌بتن و ئالیكاریا وێ دكن كو باشوورێ كوردستانێ داگیر بكە .
وه‌كە كو وه‌شانگه‌رێن داخویانیێ گۆتن, ئەم ئیرۆ دبن دیدەڤانێ شەرێ جیهانێ یێ سێیه‌مین ل سه‌ر خاكا كوردستانێ، هەروەها د وێ داخویانیێ ده بانگ ل ره‌وشه‌نبیر و نڤیسكارێن كورد هاته كرن كو ب ته‌ڤاهی ئاماده بن و و ب بەرپرسیارەتیا خوە رابن ل هه‌مبه‌ر پیلانێن پارتیا ده‌مۆكراتا كوردستانێ و مالباتا بارزانی وەكو بناڤ دكن .
هەمان ناڤەندێ سەربار كر كو ئەم ل ناڤه‌ندا چاند و رەوشنبیری یا بارزانی ل هانۆڤه‌ر, وه‌كو نڤیسكار, ره‌وشه‌نبیر, هه‌لبه‌ستڤان, هونه‌رمه‌ند و نڤیسكارێن كورد, باوەریێ ب رێبازا رزگاریا نه‌ته‌وه‌یی یا بارزانی دكن, ئەم داخویانیا كو ژ ئالیێ ئاژانسا هاوار یا بسەر رێخستنا پكك ڤه هاتیە بەلاڤكرن ب توندی شه‌رمه‌زار دكن وتەڤایا تۆمەتێن دوور ژ راستیێ یێن كو ژ ئالیێ وێ بتوندی ئیدانە وشەرمەزار دكن , و دڤێ دەربارێ دە ئەم بانگێ ل هه‌می نڤیسكار, ره‌وشه‌نبیر, هونه‌رمه‌ند, كوردێن ئازاد و كوردێن وان یێن ب روومەت دكن. ب به‌رپرسیاریێن خوە یین رەوشتی و وەلاتپارێزی رابن و رووبرووبوونا پیلانێن كو پەكەكێ و هه‌ڤالێن وێ هه‌ول ددن ل دژی ده‌ستكه‌فتیێن گه‌لێ مه یێن لباشورێ كوردستانێ پێك بینن بكن .
ناڤەندا چاندا بارزانی گۆت ژی كو ئه‌م د ناڤه‌ندا چاندا بارزانی ده رادگهینن كو ئەم ل پشتا سه‌رۆكاتیا بارزانیان و حكوومه‌تا هه‌رێمێ نه و ب هه‌موو هێزا خوه پشتگری ددن وان, و ئەم ژ رێخستنا پەكەكێ و راگهاندنا بسەرڤە دخوازن كو ده‌ڤ ژ به‌لاڤكرنا تەڤلیهەڤی ، زك رەشی ، دەرەو ، و تۆمەتێن نە راست به‌ردن و ده‌ستێوه‌ردانێ د كارووبارێن هه‌رێمێ دە نه‌كن و ئەم داخواز دكن كو پەكەكێ چەكدارێن خوه ژ هه‌رێمێ دەرخینە و ڤه‌گه‌رینە قادا خوه‌یا راستەقینە لباكورێ كورستانێ ، كوردستانا داگیركی ژ بۆ وان ژ هه‌ر ده‌ڤه‌ره‌ك دن یا كوردی گرنگ ترە , ئەگەر ئەو راستبن و تێكۆشەربن و وه‌لاتپارێز بن وه‌كو ئەو ئیدعاء دكن. كریار, هه‌لوه‌ست و داخویانیێن وه یێن دژمنانه یێن ل دژی پارتی دیمقراتی كوردستان و ل دژی مالباتا بارزانی كو خوه‌دی تێكۆشینه‌ك درێژە بێ گومان د كەڤە خزمه‌تا دژمنێن كوردان ده .
د داویا داخویانیا خوە دە ناڤەندا چاندا بارزانی ل هانۆڤەر گۆت كو ئازادی یاكو هێژایە خوینرژاندنێ نەك بندەستی ، ژبەر ڤێ یەكێ ڤەگەرن سور هشێن خوە و ب گەلێ خوە رە لهەڤ بكن و ڤەگەرێن ناڤمالا كوردی و دەڤ كار وخیانەتێ بەردن .
229
