ناڤەندا رەڤەندا كوردی ل دەرڤە ئێریشا پەكەكێ بۆ سەر پێشمەرگەیێن كوردستانێ شەرمەزار كر

ارك نيوز .. ناڤەندا رەڤەندا كوردی ل دەرڤە داخویانیەك دەربارێ ئێریشا چەكدارێن پەكەكێ بۆ سەر هێزا پێشمەرگەیێن كوردستانێ بەلاڤ كر و تێدە بتوندی ئەو ئێریش ئیدانە وشەرمەزار كر و پشته‌ڤانیا خوه‌ بۆ قه‌واره‌یا سیاسی یا هه‌رێما كوردستانێ نیشان دا .

دۆه شه‌میێ رێكەفتا چاردێ مژدارا دووهەزار وبیستێ ناڤه‌ندا ره‌ڤه‌ندا كوردی ل دەرڤە داخویانیەك دەربارێ ئیریشا پەكەكی بۆ سەر هێزا پێشمەرگەیێن كوردستانی بەلاڤ كر وتێدە دبێژە مخابن, د ڤێ ره‌وشا هه‌ستیار یا ئابۆری, ته‌ندروستی و سیاسیل دەڤەرێ بگشتی ول هه‌رێما كوردستانێ بتایبەتێ دڤێ هندە‌ك زانیاری و شیرۆڤه‌ وه‌رن كرن دەربارێ ئێریشا ل سه‌ر هێزا پێشمه‌رگه‌یێن كوردستانێ كو رێخستنا داعشا تەرۆریست تێكشكاندن ، و بنپێكرن و كریارێن تەرورستی یێن كو ژ ئالیێ پككێ ڤه‌ تێنه‌ كرن بتەنێ تێكدانا ئارامی و ئەوله‌هیا هه‌رێما كوردستانێ, دژایه‌تیا ده‌ستكه‌فتێن نیشتمانی و نه‌ته‌وه‌یی یێن گه‌لێ مه‌, ومەترسیی لسەر ژیان و به‌رژه‌وه‌ندیێن خەلكێن هه‌رێما كوردستانێ دروست دكە هەروەها باندۆرا خوەژی لسەر ئاشتیا سڤیل دكە .

هه‌روها هەمان ناڤەندێ پشتگریا خوه‌ ژبۆ قه‌واره‌یا سیاسی یا هه‌رێما كوردستانێ, دام و ده‌زگەهێن ده‌ستووری, یاسایی و ده‌ستكەفتێن نیشتمانی و نه‌ته‌وه‌یی نیشان دا ، و دەستدرێژیا پەكەكێ ل سه‌ر به‌رژه‌وه‌ندیێن نیشتمانی بتوندی ئیدانە و شه‌رمه‌زار كر ..

ناڤەندا رەڤەندا كوردی ل دەرڤە د داویا داخویانیا خوە دە بانگ ل پككێ كر وگۆت د ڤێ ره‌وشا هه‌ستیاردە یاكو باشوورێ كوردستانێ تێدە دەرباس دبە كه‌دا خه‌لكێ به‌رچاڤ بگرن, و دەستوەردانێ د كار و بارێن حكوومه‌تا هه‌رێما كوردستانێ نەكن , ورێزگرتنێ ژێرە بگرن ، وڤەگەرن قادا خوە یا راستەقینە لباكورێ كوردستانێ .

252