60 سال لسەر شەواتا سینەما عامودێ دەرباس دبن
ارك نیوز .. ئیرۆ سالڤەگەرا شەواتا سینەما عامودێ یە یاكو د سالا هەزار و نەسەد وشێستان دە د رۆژەكە وەكە ئیرۆ دە 280 زارۆكێن عامودێ یێ بێ تاوان كو تەمەنێ وان ناڤبەرا شەش سالی و پازدە سالی بوون بوونە قربانی .
د رۆژا سێزدە هەیڤا یازدان سالا هەزار و نەهسەد وشێستان دە برێڤەبەرێن دبستانان بۆ دانهاڤا ئالیكاریێ بۆ شۆرشا جزائرێ بەرێ زارۆكین عامودێ دان سینما شەهرەزاد بۆ تەماشەكرنا فلمەكی ترسیناك كو مەزن نكارن تەماشبكن ، و تەڤی كو سینەمە بتەنی جهێ 250 كەسی تێدە هەبوو نێزیكی 300 زارۆكی د وێ سینەمێ دە هاتن كۆمكرن ژبلی نێزیكی 150 زارۆك كو ب قاچاغی دەرباس ببون وێ سینما كو ب تەخت و بۆش و ئاخا شەرمۆلا هاتبوو دروستكرن تا مێڤانێ ڤێ سینەمێ ببن نەشتەجیێن گۆرستانا شەرمۆلا.
د وێ ئێڤارا نەخوەش دە كو دەما رۆژئاڤایێ رۆژیێ بۆ ئەو سینەما ژ زارۆكێن عامودێ بوو تژە وفلمێ كو مادەیا تی ئن تێ ژ مادەیێن دورستكرنا وێ بوو د یەك رۆژێ دە سێ جاران هات بكارئانین كو مەترسیا شەواتێ تەكەزكری بوو لێ رێڤەبرێ باژارێ عامودێ دخوەست پەران بهەر ئاوایەكی بدە هەڤ ومەترسیا شەواتا سینەمێ پاشگوه كر ، و تەڤی كو ئاگر دەست پێ كر دناڤ سینەمێ دە لێ مامەستیێن وان زارۆكان یێن كو بێهتریا وان عەرەبێن مەسرێ بوون ئەمادە نەبوون سەرپرشتیێ ل زارۆكێن كو هاتنە ئاژۆتن ژبۆ قەدەرا خوە بكن و زارۆكان ب تەنێ رووبرووبوویێ ئاگر هشتن هەژمارەك شەوتین ، هەژمارەك كەلیان ، و هنەك زارۆك دەما خوە ژ ترسا ئاگر د پەنجەرێ رە ئاڤێتن د بیرێ دە وەربوون ومرن و هەژمارەك دنژی ژ دوومانێ بهنا خوە یا داوی ژ دەست دان .
ژ لەهەنگێن كو ب د وێ رۆژی دە ب مێرانی لگەل وێ بویەرێ دانوستاندن كرن شەهید محمد سعید ئاغا دەقۆری بوو كو هەر جارەكێ دەرباسی ناڤ ئاگر دبوو كۆمەك زارۆك رزگار دكرن تا دەرگەهێ سینەما شەوتی بسەردە هەرفی وناڤێ عامودێ ژ وێ رۆژێ دە كر عامودا باڤێ محمد ، هەروەها ژنا بناڤێ فەریدا دایكا دیلاورێ زنكی یاكو هەژمارەك زارۆك رزگاركرن .
بهنا براشتنا گۆشتێ زارۆكان لعامودێ بەلاڤ بوو و دەنگێ هەوارێ ژ هەر مالەكێ دهات ، وبەری رۆژا سبەهەكە نوو لسەر عامودێ دەركەڤە ژییەك بتەمامی ژ زارۆكێن عامودی دخاكا گۆرستانا شەرمۆلا دە بنئاخ بوون و تەڤی دەرباسبوونا سالین درێژ هین ژی جیرۆكێن سینەمێ ژبۆ ژیێن نوو تێ ڤەگەران وهین ناڤێ عامودێ عامودا شەوتی یە.
300
