وەلاتیەكی كوردێ عفرینێ دبن ئەشكەنجەیێ دە شەهید بوو
ارك نیوز .. پشتی بیهتری دوو مەهان ژ رەڤاندنێ وەلاتیەكی كوردێ عفرینێ د زندانێن گروپێن چەكدار یێن بسەر حكومەتا سوریا دەمكی ڤە دبن ئەشكەنجەیێ دە شەهید بوو.
رێخستنا مافین مرۆڤان لعفرینێ راگهاند كو وەلاتیێ كورد یێ بناڤێ لقمان یوسف مستەفا كو بخوە خەلكێ گوندێ ترمیشا یێ بسەر شیێ ڤە یە دبن ئەشكەنجەمیێ دە ژ ئالیێ گروپێن چەكدار یێن بسەر حكومەتا سوریا دەمكی ڤە ل زندانا معراتا شەهید بوو ، پشتی كو لقمان لگەل هەژمارەك ئەندام و كارمەندێن ئەنجومەنا خوەجەهی یا ناڤچەیا جندریسێ و هەژمارەك خوەدان ئۆفیسێن ڤەگوهەستنا دراڤ و گوهەرینەرێن دراڤان د رۆژا سیێ هەیڤا نەه دوو هەزار وبیستێ ژ ئالیێ گروپێن چەكدار ڤە بتومەتا گەندەلیا رێڤەبەری د ئەنجومەنا خوەجەهیا جندێرسێ دە هاتە رەڤاندن .
رێخستنێ سەربار كر كو دۆه تەرمێ وەلاتێی كورد لقمان مستەفا ژبۆ مالباتا وی هاتە رادەستكرن و لگۆرستانا گوندێ یەلانقووزێ هاتە ڤەشارتن .
243
