جێفری دەست ژكاركشاندنا خوە ژ كار رادگهینە

ارك نیوز .. نوونەرێ تایبەتێ ئەمەریكا بۆ سوریێ دەست ژكاركشاندنا خوە ژ كار راگهاند .. رۆژنامەیا شەرق ئەلەوسەت بەلاڤ كر كو جێمس جێفری شاندەیێ تایبەتێ ئەمەریكا بۆ سوریێ پەیوەندی ب هەڤپۆستێن خوە یێن ئۆرپی و رایەدارێن عەرب وهەڤپەیمانیا نشتیمانی یا ئۆپۆزسیۆنا سوریێ كر و دەست ژكاركشاندنا خوە ژ كار ژوان رە راگهاندیە .

هەمان رۆژنامەیێ دا خویاكرن كو جێفری شاندەیێ تایبەتێ ئەمەریكا بۆ سوریێ تەكەزی لسەر بەردامیا سیاسەتا ئەمەریكا كریە ، وگۆت كو ب گوهەرتنا سەرۆكێ ئەمەریكا سیاسەتا ئەمەریكا نایێ گوهەرتن ، و وێ هەمان سیاسەت بە.

رۆژنامەیێ دا دیاركرن ژی كو د ڤێ دەمێ دە وێ جۆیل رایبۆرن جیگرێ جێمس جێفری شاندەیێ تایبەتێ ئەمەریكا بۆ سوریێ وێ جهێ وی بگرە ژبەر كو د پرانیا هەڤدیتنێن ویدە ئامادەبوو لەوما وێ دڤێ دەمێ دە شوونا وی دگرە .

جێفری سەربار كر وگۆت ژی كو ئەگەر كی د هلبژارتنێن ئەمەریكایی دە بسەر بكەڤە ئەز دكارم ب زەلالی بێژم هەبوونا ئەمەریكا لسوریێ وی وەكە خوە بمینە و توو گوهەرتن د سیاسەتا ئەمەریكا دەربارێ سوریی نایێ گوهەرتن ، وگۆت دەرباری هەبوونا ئیرانێ د سوریێ دە ، جێفری گۆت ب توو ئاوایەكی هەلوێست و داخوازا ئەمەریكا لسەر دەركەتنا ئیران ژ سوریێ نایی گوهەرتن و وێ لسەر هەلوێستا خوە بمینە .

شاندەیێ تایبەتێ ئەمەریا بۆ سوریێ د بیستێ ئیلۆنا بووری سەرەدانا رۆژئاڤایێ كوردستانی كربوو و لگەل هەردوو ئالیێن كوردی ، ئەنجومەنا نشتیمانیا كورد لسوریێ ، و پارتیێن یكیتیا نشتیمانیا كورد رە جڤیابوو و هەڤدیتن پێك ئانیبوو ، وپشترە سەرەدانا هەریما كوردستانی ژی كر و لگەل نیجرڤان بارزانی سەرۆكێ ەرێما كوردستانی رە جڤیابوو.

د نیڤێ سالا دوو هەزار و هیژدەهان دە ژ دەما كو جیمس جێفری شاندەیێ تایبەتێ ئەمەریكا بۆ سوریێ دەست ب كار كربوو وحەتا نها ، لگەل سیاسەتا ئەمەریكایێ بوو و ئالیكاریا وێ لدژی ریژیما سوریێ دكر مینا هەبوونا هێزێن ئەمەریكی ل سوریێ و رۆژئاڤایێ كوردستانێ ژبۆ رووبرووبونا رێخستنا داعشا تەرۆریست و ژناڤبرنا وێ ب یەكجاری ، و پشتەڤانیا دیالۆكا كوردی كوردی لرۆژئاڤایێ كوردستانێ ، هەروەها سەپاندنا سزایێن ئابووری یێن بەردەوام لدژی رێژیما ئەسەد بتایبەت سەپاندنا پرۆژەیاسا سیزەر سەرباری پشتەڤانیا وی ژ ئێریشێن ئسرائیلی لسەر باراگەهێن ئیرانی لسوریێ .

پیش چەند رۆژان ژی جێفری راگهاندبوو كو پارتیا كاركەرێن كوردستانی رێخستنەكە تەروریستی یە ودڤێ ژ سوریێ دەركەڤە و گۆتبوو ژی كو هەبوونا پەكەكێ سەدەمەكە سەرەكەیە یا ئالۆزیێن سوریێ یێن لگەل وەلاتێ توركیێ و ئەو دخوازن وان ئالۆزیان كێم بكن .

د ناڤینا سالا دووهەزار و هیژدەهان دە جێمس جێفری پۆستێ شاندەیا وەزارەتا دەرڤە یا ئەمەریكا بۆ كار وبارێن سوریێ و شاندەیێ تایبەتی ئەمەریكا د هەڤپەیمانیا ناڤدەولتی لدژی داعشێ ژ برێت ماكۆرك وەرگرتنبوو .

331