رەڤاندنا كوردان ل عەفرینێ بەردەوامە
آرك نيوز... ژبلی كو د مەها بووری دە زێدەرتر ژ سەد وەلاتیێن عەفرینا رۆژئاڤایێ كوردستانێ هاتە رەڤاندن لێ ئەو پرۆسە هین ژی بداوی نەهاتیە ود چارچۆڤەیا رۆژێن بووری دە بدهان وەلاتی هاتن رەڤاندن ژ وان كەسان كەچ و وەلاتیێن بتەمەن ژ ی هەنە.
ژێدەرەكە تایبەت ژ ئاركێ رە دا زانین كو چەكدارێن پۆلیسێن لەشكەری وگرووپێن چەكدار هلمەتەك رەڤاندنێ د دەرماڤێ وەلاتیێن كورد ئەنجام ددن و بانگا فدیە ژ مالباتێن وان دكن.
ژ ئالیێ خوە ڤە ژێدەرێن میدیایی تەكەز كرن كو چەكداران ئیریشی ناڤەندا ئەنجومەنا خوەجهی یا مابەتا كر و دەردۆرا هەفت كارمەندان رەڤاندن كو ژ وان كارمەندان كەچ ژی هەبوون.
هەر د ڤێ دەربارێ دە رێخستنێن ماڤێ مرۆڤان و چالاكڤانان نیشان ب وێ یەكێ ددن كو ژ دەسپێكا مەها ئلوونێ ڤە ب دەهان ژ وەلاتێن كورد هاتنە رەڤاندن وتا ەها ئاگاهی و زانیاری ل سەر تونەنە.
چاڤدێر و چالاكڤان تەكەز دكن كو ئەو یەك ب فەرمانا سێخوۆرییا توركیێ تێنە ئەنجامدان و مەبست ژێ ئەوە كو كورد دەست ژ خاكا خوە بەردن و ل شوونا وان دە عەرەب وتوركمان وەرن بجیكرن.
ش.ع
261
