رێخستننە سڤیل رەڤاندنا محەمەد ئەیو ژ ئالیێ پەیەدێ ڤە شەرمەزار دكن

هەژمارەك رێخستن و دەستەیێن جڤاكا سڤیل رەڤاندنا سەرۆكێ خوەجهیا رۆژئاڤایێ قامشلۆ یا ئەنجومەنا نشتیمانی یا كوردی ل سووریێ و ئەندامێ كۆمیتەیا راوێژكاری یا پارتیا دیموقراتا كوردستان سووریا، محەمەد ئەیۆ، ژ ئالیێ ئەساییشا پەیەدێ ڤە شەرمەزاردكن و بانگا سەربەستبەردانا ئەیۆ و هەموو گرتیێن سیاسی و یێن نەرینێ د زیندانێن هەموو ئالیێن ل سووریێ و زیندانێن پەیەدێ دە دكن.

د داخویانیەكێ دە رێخستن و دەستەنە جڤاكا سڤیل رەڤاندنا ئەیۆ ب گرتنا هۆڤانە و بەرۆڤاژیێ هەموو بەلگەنامەیێن مافێ مرۆڤان یێن هەرێمی و ناڤدەوەلتی پەیوەندیدار و بتایبەت مادەیا نۆزدەهان یاراگهانامەیا جیهانی یا مافێ مرۆڤان بناڤ كرن، هەروەها بانگا سەربەستبەردانا ئەیۆ و هەموو گرتێن سیاسی و یێن نەرینێ و راگهاندكاران ژ زیندانێن پەیەێ و زیندانێن ئالیێن دن یێن ل سووریێ كرن.

ئالیێن كو بەشداری ڤێ داخویانیێ بوونە ئەڤن:
-بزاڤا ئاشتیا ناڤخوەیی- بان
-هێزێن جڤاكا سڤیل یێن كوردستانی
-دەستەیا یاسایی یا كوردی
-رێخستنا مافێن مرۆڤان ل سووریێ (ماف)
-كۆمەلەیا بەرەڤانیێ دبەر مافێن مرۆڤان دە ل نێمسا
-كۆمیتەیا مافێن مرۆڤان ل سووریێ (ماف)

محەمەد ئەیۆ ئەندامێ كۆمیتەیا راوێژكاری یا پارتیا دیموقراتا كوردستان سووریا بەریا نها ژی ژ ئالیێ چەكدارێن پەیەدێ ڤە هاتبوو رەڤاندن و زیندانكرن، وژ رۆژا سێیێ ڤێ مەهێ ڤە ئەیۆ رەڤاندیە و تا نها چارەنڤیسا وی نەدیارە.

600