نرخێ یەك چوالێ ڤالا یێ گەنم ب 1100 ل.س تێ فرۆشتن
شەوات و شەوتاندنا زەڤی و بەرهەمان ژ ئالیەكی ڤە، كێمبوونا نرخێ دەستنیشانكری ژبۆ كرینا گەنم و چەهی، و بوهابوونا تەكلیفەیێن چاندنی و بەرهەمئینانێ ژ ئالیەكی دن ڤە، بارێ چۆتكارێن رۆژئاڤایێ كوردستانێ گەلەكی گرانتر كریە.
هەڤدەمی بەردەوامیا شەوتداندنا بەرهەمێن جۆتكارێن كورد، رێڤەبەریا پارتیا یەكیتیا دیموقراتیك پەیەدێ نرخێ چۆالێن ڤالە گران كریە، كو ژبۆ هەر چۆالەكی ڤالە 1100 لێرەیێن سووری دەستنیشانكریە، د بەرامبەر دە رێژیم تەنێ 700 لێرەیێن سووری ژبۆ یەك چوالی دەستنیشانكریە، چۆتكارەك ژی دپرسە ژبۆ چ پەیەدێ نرخێ یەك كیلۆ گەنم و جەه ژ نرخێ كو رێژیمێ دەستنیشانكریە ئەرزانتر كریە، و د هەمان دەمێ دە نرخێ یەك چوالێ ڤالا ژ نرخێ كو رێژیمێ دەستنیشانكریە گرانتر كریە.
ئەڤە چەند رۆژن چنینا بەرهەمێن چەه و گەنم ل سووریێ و ناڤچەیێن رۆژئاڤایێ كوردستانێ دەستپێكرنە، شەوات و شەوتاندنا زەڤی و بەرهەمان ژی هین بەردەوامە، بێ كو تو چارە ژێ رە بێن دیتن.
ل گۆری ئامارێن فەرمی تا نها بهتری 25 هەزار دۆنمی ل ناڤچەیێن جزیرا رۆژئاڤایێ كوردستانێ ژبەر شەواتێ راستی زیانێ هاتیە.
ژ دەستپێكرنا وەرزێ چنینێ یێ ڤێ سالێ ڤە و دیاردەیا شەوتاندنا زەڤیان دەستپێكریە، و بهەزاران زەڤی راستی زیانێ هاتنە، چۆتكار ژی ناڤبەرا مەترسیا شەواتێ، و كێمبوونا نرخێ فرۆشتنا بەرهەمان، و تەكلیفەیێن بلند وندایی مانە.
686
