سەرۆكێ ئەنەكەسێ مەرجێن رێكەفتنێ ب تەڤدەم ێ رە ئەشكەرە دكە
ارك نیوز .. سەرۆكێ ئەنجوومەنا نشتیمانیا كورد ل سووریێ دبێژە ئەنەكەسە وتەڤدەم پێنگاڤێن باش د دانوستاندنان دە ئاڤێتنە , لێ پەكەكە دخوازە ئاستەنگیان ل پێشیا دانوستاندنان دروست بكە تاكو هەردو ئالی نەگهنە رێكەفتنێ , ژ بەر مەرجێ سەرەكە یێ ئەنەكەسە ژ بۆ رێكەفتنێ ئەوە كو نابە پەكەكە ب تو ئاوایەكی دەستێوەردانێ د كاروبارێ رۆژئاڤایێ كوردستانێ دە بكە.
سعوود مەلا سەرۆكێ ئەنجوومەنا نشتیمانیا كورد ل سووریێ د لێدوانەكە تایبەت دە بۆ مالپەرا فەرمی یا پارتیا دیموكراتا كوردستانێ راگەهاند كو دانوستاندن بەردەوامن وپێنگاڤێن باش هاتنە ئاڤێتن, وپەكەكە باش دزانێ كو هەردو ئالی بگهنە رێكەفتنێ وی دەمی تو رۆلەكە پەكەكە ل رۆژئاڤایێ كوردستانێ نامینە, لەوما ب هەموو شێوەیەكی ئاستەنگیان ل پێشیا دانوستاندنان دروست دكن تاكو هەردو ئالی نەگهنە رێكەفتنێ.
سەرۆكێ ئەنەكەسە ئەشكەرەكر كو دو مەرجێن ئەنەكەسە ژ بۆ رێكەفتنێ ل گەل تەڤدەم هەنە, كو ئەوژی ئەڤن , هەر رێكەفتنەك وەرە كرن پێویستە دووربە ژ دەستێوەردانا پەكەكە , وپەكەكە ژ رۆژئاڤایێ كوردستانێ وەرە دووركرن , ومەرجێ دوێ دیاركرنا چارەنڤیسا سەركردەیێن مە كو چارەنڤیسا ژمارەیەك سەركردە نەخویایە.
351
