پەكەكە هەولا تێكدانا ئارامیا زاخۆ دا
آرك نيوز...پەكەكە د تێكدانا ئەولەهیا باژار وباژارۆكێن هەرێما كوردستانێ دە بەردەوامە , ول باژارێ زاخۆ زیانەكە مەزن ب مال وملكێ وەلاتیان گەهاندن وب دەهان كەس بریندار كەتن.
نڤیسگەها رێكخەرێ راسپارتی یێ نەتەوێن یەكگرتی ل حكوومەتا هەرێما كوردستانێ راگەهاند كو ل باژارێ زاخۆ ژمارەیەك شوفێرێن بارهلگران مانگرتنەك ل پێشیا دەریێ ابراهیم خەلیل یێ هەڤسینوری ل دارخستن ئەوژی داكو دەری وەرە ڤەكرن كو ب سەدەما ڤایرۆسا كۆرۆنا ئەڤە بوویە دەمەكە هاتیە گرتن.
هەورەها د داخویانیا نڤیسگەها رێكخەرێ راسپارتی یێ نەتەوێن یەكگرتی دە هاتیە كو ئالیگرێن پەكەكە ونەوەیێ نووێ ئاراستەیا خوەنیشاندانێ گوهارتن وشەر ونەخوەشی دروست كرن.
وەكە د داخویانیێ دە هاتیە ئالیگرێن پەكەكە ونەوەیێ نوێ تەڤلی مانگرتنێ بوون ودەست ب گۆتنا سلۆگانێن پەكەكە كرن وتەقە ل هێزێن ئەمنی ووەلاتیێن سڤیل كرن ودەست ب تێكدانا دام ودەزگەهێن حكوومی ومال وملكێ وەلاتیێن سڤیل كرن .
وەكە د داخویانیێ دە هاتیە كو دئەنجاما گرژی وتەقەكرنێ دە 61 ژ كارمەندێن هێزێن ئەمنی و 4 وەلاتیێن سڤیل برینداربوون كو یەك ژ وان زارۆك بوو , و 26 ئۆتۆمبێلێن هێزێن ئەمنی ووەلاتیان ومولكێ تایبەت وگشتی زیان ب وان گەهشت.
ژ دەما كو پەكەكە هاتی دامەزراندن وهەتا وەكە ئیرۆ بەردەوام هەولا تێكدانا ئەولەهیا باژار وباژارۆكێن كوردی ل هەر چار پارچەیێن كوردستانێ ددە , وئەڤە بوویە دەمەكە هێزێن توركیا ب بەهانەیا هەبوونا پەكەكە ل سینوورێ دهۆكێ , گوندێن سینووری بۆمبەباران دكە ود چەند رۆژێن بووری دەژی چەند ناحیەیەك بۆمبەباران.
وەكە بەرپرسیارێن پارێزگەها دهۆكێ دبێژە ب سەدەما هەبوونا پەكەكە بهتر ژ 500 گوندێ سینووری هاتنە ڤالەكرن وخەلك ئیدی نكارە ڤەگەرە سەر زێدێن خوە ژ بەر بەردەوام توركیا ب سەدەما هەبوونا چەكدارێن پەكەكە وان گوندان بۆمبەباران دكە , وب هەمان شێوەیی شنگال ژی ب سەدەما هەبوونا پەكەكە ئەڤە بوویە نێزیكی 10 جاران وتوركیا شنگالێ بۆمبەباران دكە وژ بەر هەبوونا پەكەكە دەربدەرێن شنگالێ نكارن ڤەگەرنە سەر زێدێن خوە.
485