بەلاڤبوونا كۆرۆنا ل رۆژئاڤایێ كوردستانێ د زێدەبوونێ دەیە

آرك نيوز... ژ بەر زێدەبوونا بەلاڤبوونا ڤایرۆسا كۆرۆنا مەترسیا ژ دەستدانا كۆنترۆلكرن د ناڤا خەلكێ رۆژئاڤایێ كوردستانێ بەلاڤبوویە ورۆژانە ب دەهێن حالەتان تێنە تۆماركرن , وئەو حالەت ل تەڤایا باژار وباژارۆكان تێنە تۆماركرن.

ل گۆری كو دەستەیا تەندرۆستیا سەر ب پەیەد ڤە بەلاڤكریە ژمارەیا حالەتێن تووشبوونێ ب ڤایرۆسا كۆرۆنا گەهشتیە 66 حالەتان كو د دەما 24 دەمژمێرێن بووری دە 12 حالەتێن نوو هاتنە تۆماركرن , 8 ل قامشلۆ , 1 ل تل كۆچەر , 3 ل رەقایێ .

وژ ئالیێ خوەڤە ئاركێ دۆسەیا تووشبووان ب ڤایرۆسا كۆرۆنا د شۆپینە , ول گۆری زانیاریێن تایبەت یێن ب دەستێ ئاركێ گەهشتنە ژمارەیا تووشبووان ب ڤایرۆسا كۆرۆنا گەهشتیە نێزیكی 100 كەسی .

هەروەها ژێدەرەكە تایبەت ژ ئاركێ رە دازانین كو دوه پزیشكەكی نەخوەشخانەیا كوبانێ یا نشتیمانی ئەشكەرەكریە كو حالەتەكە تووشبوونێ ب ڤایرۆسا كۆرۆنا ل باژارێ كوبانێ هاتیە تۆماركرن .

ودەستەیا تەندرۆستی یا پەیەدە راگەهاندبوو كو 6 حالەتێن تووشبوونێ ل كامپێن دەربدەرێن عەفرینا رۆژئاڤایێ كوردستانێ ل شەهبا هاتنە تۆماركرن .

ل گۆری شۆپاندنا ئاركێ تو خزمەتەك تەندرۆستی ژ بۆ تووشبووێن ڤایرۆسا كۆرۆنا نایێ پێشكێشكرن , وب تەنێ كەرەنتینەیا مالێ ل سەر وان تێ فەرزكرن , بێ كو رەوشا وان یا تەندرۆستی وەرە شۆپاندن ودەرمان ژ وان رە وەرە پێشكێشكرن .

ڤایرۆسا كۆرۆنا ژ دەستپیكا سالا 2020 ان ڤە ل باژارێ ووهان یێ صینی دەركەت ول تەڤایا وەلاتێن جیهانێ بەلاڤبوویە وهەتا وەكە ئیرۆ بهترە ژ 19 مەلیۆن كەس ل جیهانێ تووشی ڤایرۆسا كۆرۆنا بوونە , وبهتر 12 مەلیۆن كەس ژ كۆرۆنا باشبوونە , وبهتر ژ 700 هەزار كەس ب سەدەما ڤایرۆسا كۆرۆنا جانێ خوە ژ دەستدانە.

213