مەنال حسكۆ: ئەوێ ب سەر دەربدەرێن سەرێ كانیێ ل حەسەكێ دقەومێ درێژدانە ب پیلانێن پەكەكە
آرك نيوز...شرۆڤەكارێ سیاسی مەنال حسكۆ دبێژە كو ئەوێ ب سەر دەربدەرێن سەرێ كانیێ ل حەسەكێ دقەومێ درێژدانە ب پیلانێن پەكەكە ل دژی گەلێ كورد ل رۆژئاڤایێ كوردستانێ.
د چارچۆڤەیا بەشداریێ د بولتەنا ئاركێ دە مەنال حسكۆ راگەهاند كو خەلكێ سەرێ كانیێ ب سەدەما شەرێ پەیەدە وتوركیا دەربدەر بوونە , ومادام پەیەدە خوە دبینە رێڤەبەبەری ئەركە ل سەر وێ تەڤایا پێویستیان پێشكێشی دەربدەران بكە , وئەگەر نكارە پێویستە داخوازا لێبورینی ژ گەلێ كورد بكە ورێڤەبەریا خوە هلوەشینە.
هەروەها مەنال حسكۆ تەكەز كو پێویستە پەیەدە جهێ ڤەحەوانێ ژبۆ دەربدەران دابین بكە وپشترە داخوازێ ژ وان بكە كو دبستانان ڤالە بكن , ودەما كو پەیەدە ئالیكاریان پێشكێش نەكە وی دەمی تێ خویاكرن كو ئەجنداتێن ئالیێن دەرڤە بجی دكە
343
