ئاسایشا پ ی د 12 دەربەدەرێن كوردێن سەرێ كانیێ خستنە زندانێ دە

ارك نیوز ... تەڤی دەربدەری وب جێهشتنا مال ومالكێن خوە ل سەرێ كانیێ , دەربدەرێن سەرێ كانیێ یێن ل باژار وباژارۆكێن رۆژئاڤایێ كوردستانێ بەلاڤبوونە ود دبستانان , وكامپێن دەربدەریێ دە ژیان دكن , راستی موعامەلەیا بێ رەوشت ژ ئالیێ ئاساییشا پەیەدەڤە تێن , وژ بەر دەربدەرەكە كورد راستیا تەعامولا ئاساییشا پەیەدە د ریێا ئاركێ ڤە ژ رایا گشتی رە ئەشكەرەكر , ل گەل دو خوشكێن خوە هاتە دەستەسەركرن.

رۆژا شەمیێ رێكەفتا ( 1/8/2020 ) دەربدەرا ب ناڤێ بەرخوەدان عارف كو ل دبستانا ( احمد شریف دباك ) ل تاخا كەبابە یا باژارێ حەسەكێ د ریێا ئاركێ ڤە هوورگولیێن بوویەرا نەمرۆڤی یا ئاساییشا پەیەدە كو ل رێكەفتا ( 29/7/2020 ) دەرحەقێ دەربدەرێن سەرێ كانیێ ئەنجامدان , ئەشكەرەكر وئاركێ دەنگێ وێ گەهاندە رایا گشتی.

پشتی بەلاڤكرنا چیرۆكا رووداوا شەڤا چارشەمێ رێكەفتا ( 29/7/2020 ) ژ ئالیێ ئاركێ ڤە , ئاساییشا سەر ب پەیەدەڤە دوه یەك شەمێ گرتنە سەر دبستانا (احمد شریف دباك ) ودەربدەرا ب ناڤێ بەرخوەدان عارف ل گەل هەردو خوشكێن یێن ب ناڤێن ( سارە , وسهێلە عارف دەستەسەركرن وئەو خستنە زیندانێ دە وهەتا وەكە نها تو زانیاریەك ل سەر چارەنڤیسا بەرخوەدان وهەردو خوشكێن وێ , و12 دەربدەرێن دن كو ئەوژی گرتینە نینە.

بەرخوەدان عارف ژ ئاركێ رە راگەهاندبوو كو ئاساییشا پەیەدە گرتە سەر وان وهەول دا وان ب دارێ زۆرێ ژ دبستانێ دەرخینە , وپشتی نەرازیبوونا دەربدەران ژ بەر كو نكارن خانیان ب كرێ بگرن , ئاساییشا پەیەدە دەست ب لێخستنا دەربدەرێن ژن كر .

هەروەها بەرخوەدان گۆت كو پشتی گرتنا ژمارەیەك كەس , زارۆكەك ب ناڤێ یوسف قادۆ ب دووڤ دەوریا ئاساییشا پەیەدە كەت ژ بەر دایك وباڤێ وی هاتبوونە گرتن , دەوریا پەیەدە ب ئۆتۆمبێلێ داسەر ماتورێ یوسف قادۆ ونها پێویستیا وی ب نەشتەرگەریێ هەیە ولنگێ وی ب 6 جهان شكەستیە.

بەرخوەدان تەكەز كر كو ئاساییشا پەیەدە تو رێزەك ژ دایكێن شەهێدێن خوەرە ناگرە , ود شەڤا چارشەمێ دە ل دایكا شەهیدەكی خستن , وشەهید ب خرابترین ناڤ پەسنكرن كو ژ شەرمان نایێ گۆتن .

وبەرپرسیارەكی پەیەدە د هەڤدیتنەكێ دە لگەل كەنالەكە كوردی خوە ژ بەرسڤا پرسیارا دەربارێ رووداوا شەڤا چارشەمێ ددزی , وگۆت ب تەنێ ژ بەر دابەشكرنا نان شەر دروست بوویە , وپشترە دگۆت نە ژ ئەركێ وان ئالیكاریا دەربدەران بكن .

گۆتنا " نە ژ ئەركێ وان ئالیكاریا دەربدەران بكن " گەلەك پرسیاران دروست دكە .. گەلۆ كیبوو بوو سەدەما دەربدەران خەلكێ سەرێ كانیێ ژ زێدێن خوە , گەلۆ چاوە نە ژ ئەركێ وان ئالیكاریان پێشكێشكی دەربدەران بكن , گەلۆ ژ بەر چێ پێشوازی ل دەربدەرێن عەرەب ویێن ئدلبێ تێ كرن , ودەربدەرێن سەرێ كانیێ تێنە ئاڤێن وبێ رێزی ل هەمبەر وان تێ كرن .

212