بۆ جارا سێیەمین چەكدارێن پەیەدێ ئێریشی مالا سەركردەیەكی PYK-S دكە

ارك نيوز .. ئەڤە سێیەم جارە وچەكدارێن پە یە دێ ئێریشی مالا ئەندامەكی كومیتەیا سیاسی یا پارتیا یكیتیا كوردستانی سوریا لباژارێ كوبانێ دكە .

لگۆری ژێدەرێن تایبەت ژ ئاركێ رە راگهاندنە كو ئیرۆ جارەكە دن لباژارێ كوبانێ یێ رۆژئاڤایێ كوردستانی چەكدارێن پە یە دی بشێوەیەكی هۆڤانە گرتن سەر مالا ویسۆ شیخی ئەندامی كۆمیتەیا سیاسی یا پارتیا یكیتیا كوردستانی سوریا ، و سەرباركر كو د هەیاما حەفتیەكێ دە ئەڤە سێیەم جارە وچەكدارێن پە یە دێ ب هنجەتا دەستەسەركرنا كورێ وێ یێ بناڤێ سیمیار ئێریشی مالا سیخی دكن .

ل رێكەفتا بیست و نەه وسیهێ هەیڤا حەفتان دوو رۆژان لپەی هەڤ چەكدارێن پە یە دێ ب هنجەتا كو كورێ ئەندامێ كۆمیتەیا سیاسی یا پارتیا یكیتیا كوردستانی سوریا داخوازكریێ لەشكەریا وان یا نەچاری یە ئێریشی مالا ویسو شێخی كرن،و بێ كو توو رێزەكێ ژحرمەتا مالێ رە بگرن تەڤایا كەل وپەلێن دناڤا مالێ دە ژی تێك دان ، و گەفا گرتنێ ل تەڤایا ئەندامێن مالێ خوارن ئەگەر كورێ خوە رادەستی وان نەكن .

لگۆری كو ژێدەرێن تایبەت ژ ئاركێ راگهاندنە كو د دووەم جارا كو چەكدارێن پە یەدێ گرتن سەر مالا ویسۆ شیخی د وێ جارێ دە ئێریش تووند تربوو ژ جارا یەكێ و د هەردوو جاران دە ژی گەفا گرتنێ ل وان خواربوون .

هەر دڤێ دەربارێ دە بتایبەت دەما كو چەكدارێن پە یە دێ جارا دووەم ئێریشی مالا شێخی كربوون د لێدوانەكە تایبەت دە ویسۆ شیخی ئەندامێ كۆمیتەیا سیاسی یا پارتیا یەكیتیا كوردستانی سوریا راگەهاندبوو كو دەما چەكدارێن پەیەدە گرتنە سەر مالا وی , تو رێزەك ژ حرمەتا مالێ رە نەگرتن , وئاست گشتهە وێ چەندێ كو خزانەیێن چەكێن زارۆك وكەچێن وی پشكنین كرن داكو كوری وی دەستەسەر بكن.

هەروەها وەیس شیخێ تەكەز كربوو ژی كو چەكدارێن پەیەدە هەولا گرتنا كوری وی یێ بناڤێ رەوان دا , لێ رەوان كاریبوو خوە رزگار بكە , وپشترە گەف خوارن كو وێ كەچێن وی دەستەسەر بكن داكو كورێ وی یێ ب ناڤێ سیمیار خوە رادەست بكە ژ بۆ لەشكەریا نەچاری .

پشتی ئیڕیشا چەكدارێن پە یە دێ لسەر مالا ئەندامی كۆمیتەیا سیاسی یا پارتیا یكیتیا كوردستانی سوریا ، كۆمیتەیا كۆمیتەیا ناڤەندی یا پاتیا یكیتیا كوردستانی سوریا داخویانیەك دڤێ دەربارێ دە بەلاڤ كر وتێدە بتوندی ئەو ئێریشا چەكدارێن پە یە دێ یا هۆڤانە لسەر مالا شێخی ئیدانە و شەرمەزار كربووو ، وداخواز ژ پە یە دێ كربوو كو بئاویەكی بلەز هەلمەتێن خوە یێن گرتنا جوانان بۆ لەشكەریا خوە یا نەچاری راوەستیە و ب بەرپرسیارەنە تعاملێ لگەل ڤان كریاران بكە ، كو ب سەدەما ڤان كریارێن هۆڤانە یین كو تێنە كرن دەرحەقێ گەلێ كوردە ژ ئالیێ چەكدارێن پە یە دێ ڤە ب هەزاران خەلكێن رۆژ ئاڤایێ كوردستانێ مالێن خوە ب جه هشتنە و پەنابەری وەلاتێن جیران و ئۆرپی بوونە .

184