كۆرۆنا دناڤا باژار وباژارۆكێن رۆژئاڤایێ كوردستانێ دە بەربلاڤ بوویە
ارك نیوز... ئەڤە چەند رۆژن وب ئاوایەكی بەرچاڤ ڤایرۆسا كۆرۆنا ل رۆژئاڤایێ كوردستانێ بەلاڤبوویە , ومەترسی د ناڤا خەلكێ دە دروست بوویە .
ژێدەرێن تایبەت ژ ئاركێ رە راگەهاندن كو ئیرۆ ل گوندێ كەلهێ یێ سەر ب دێركێ ڤە حالەتەكە دنا تووشبوونێ ب ڤایرۆسا كۆرۆنا هاتە راگەهاندن وگوند د دەما نهادە دبن كەرەنتینەیێ دەیە.
بەریا چەند رۆژان دەستەیا تەندرۆستیا سەر ب پەیەدەڤە راگەهاند كو سێ كەس ل باژارێ قامشلۆ ویەك كەس ژ حەسەكێ ویەك ژ دێركێ تووشی ڤایرۆسا كۆرۆنا بوونە.
ولگۆری زانیاریێن تایبەت یێن ب دەستێ ئاركێ كەتی ئەو حالەتێن هاتنە تۆماركرن د مالێن خوەدە هاتنە كەرەنتینەكرن بێ كو بۆ نەخوەشخانەیێ وەرنە ڤەگوهاستن.
ل گەل هەبوونا چەندین كریز ل رۆژئاڤایێ كوردستانێ , كۆرۆنا ژی د ناڤا خەلكێ دە بەلاڤ بوو , ول گەل بەلاڤبوونا كۆرۆنا مەترسی ژی دناڤا خەلكێ دە بەلاڤبوویە.
283
