هوورگولیێن كێشەیا ئاڤێ ل حەسەكێ..

اؤك نيوز.. ژ دەما كو وەرزێ گەرمایێ هاتیە وئاڤ ل سەر پارێزگەها حەسەكێ هاتیە برین , وهەتا وەكە ئیرۆ ئەو كێشە نەهاتیە چارەسەركرن , ود حەفتیەكێ دە ب تەنێ یەك رۆژێ ئاڤ بۆ حەسەكێ تێ دابینكرن وئەوژی بۆ دەما دو دەمژمێران .

ئاڤا باژارێ حەسەكێ ژ ویستەگەها عەلۆك ل سەرێ كانیێ كو نها دبن دەستێ گرووپێن چەكدار یێن ب سەر توركیا ڤەنە تێ دابینكرن , وبەردەوام هەول تێنە دان كو ئەو كێشەیا برینا ئاڤێ وەرە چارەسەركرن لێ بێ سوودن.

گرووپێن چەكدار یێن سەر ب توركیا ڤە كو ویستەگەها عەلۆك دبن دەستێ وان دەیە مەرج ل سەر بەردانا ئاڤێ ژ ویستەگەها عەلۆك بۆ باژارێ حەسەكێ دانینە كو بەردانا ئاڤێ ل هەمبەر وەرگرتنا بیست وچار مێغا كەهرەبەیە كو ئەو كەهرەبە دكە تەڤایا كەهرەبەیا قامشلۆ وحەسەكێ .

هەروەها ل گۆری هاتیە راگەهاند كو هێلەكە كەڤنا ئاڤێ ژ رووبارێ فەراتێ بۆ پارێزگەها حەسەكێ هەیە , وئەو هێلا ئاڤێ پێویستیا وێ ب دوبارە نووكرنێ یە ژ بەر گرووپێن چەكدار ئەو هێلا ئاڤاێ تێكدانە وتەڤایا ئامێرێن وێ دزینە.

پەیامنێرێ ئاركێ تەكەز كر كو ب تەنێ د حەفتیەكێ دە یەك رۆژێ ئاڤ بۆ پارێزگەها حەسەكێ تێ دابینكرن وئەوژی بۆ دەما دو دەمژمێران وبۆ تەڤایا پارێزگەها حەسەكێ ژی نایێ دابەشكرن .

وژ بۆ چارەسەركرنا كریزا ئاڤێ ل باژارێ حەسەكێ بەحسا كۆلاندنا بیرێن ئاڤێ هاتە كرن , لێ ژ بەر نەبوونا ئاڤا ژێر زەڤیین ل پارێزگەها حەسەكێ , ب كۆلاندنا بیرێن ئاڤێ كێشە نایێ چارەسەركرن , وتەڤی كو رۆسیا سەرپەرشتیا چارەسەركرنا كێشەیا گرتنا ئاڤێ ژ ویستەگەها عەلۆك دكر , لێ ئەوژی نها بێ دەنگە.

128