تێكچوونا رەوشا خزمەتگوزاریێ و پێدڤیێن چیانێ یێن سەرەكە ل كوردستانا سوریێ بەردەوامە
ارك نیوز... تێكچوونا رەوشا خزمەتگوزاریێ و پێدڤیێن ژیانێ یێن سەرەكە ل رۆژئاڤایێ كوردستانێ بەردەوامە و رۆژ ب رۆژ ژی رەوش خرابتر و ئالۆزتر دبە كو ژبەر ڤێ یەكێ خەلكێن رۆژ ئاڤایێ كوردستانی ب زەحمەتی دەبارا ژیانا خوە دكن
هەم ژبەر برینا ئاڤێ وئلكتریكی ژ ئالیەكی وهەم ژی ژبەر كێمبوونا نان و بلندبوونا تەڤایا كەل وپەلان ژ ئالیەكی دنڤە بێ كو تا نها توو چارەسەریەك ژڤێ رەوشا خراب رە وەرە دیتن ، بتایبەتی خەلكێن باژارێ حەسەكی كو ئەڤە دەمەك چێبوویە و ئاڤ ب یەكجاری لسەر وان هاتیە برین
ژ ئالیێ گروپێن چەكدار یێن بسەر توركێی ڤە ژبەر كو ویستگەها علۆك یا ئاڤێ ل سەرێ كانیێ دكەڤە كو نها دبن كۆنترۆلا وان دەیە ژبەر ڤی یەكێ خەلك بێ ئاڤ مانە و ب زەحمەتی دبارا ژیانا خوە دكن
كو گەلەك ژوان ژی ئاڤێ دكرن ب نرخەكی گران ژبەر ڤێ یەكی و ب سەدەما برینا ئاڤێ و ئلكتریكی خەلكێن حەسەكێ بانگەك ئاراستیی هەر ئالیەكی و تەڤایا رێخستنێن هەوار چونێ كرن داكو ب ئەركێ خوە رابن و د زوترین دەم دە ژیانا مەلۆن سڤیلی ژ ڤێ رەوشا خراب رزگار بكن .
329
