خەلكێن باژارێ حەسەكێ دەربارێ رەوشا خراب بانگەك بەلاڤ كر
ارك نيوز... ژبەر خرابوونا رەوشا خزمەتگوزاریێ یا بەردەوام لباژارێ حەسەكێ یێ رۆژئاڤایێ كوردستانێ بتایبەتی برینا ئاڤێ یا بەردەوام لسەر باژار ، خەلكێن باژاری حەسەكێ دڤێ دەربارێ دە بانگەك ئاراستەیی رێخستنێن هەوارچونێ وئالیێن پەیوەندیدار كر ..
د بانگێ دە وەها هاتیە نها باژارێ حەسەكێ راستی كارەسەتەكە مرۆڤی تێ بسەدەما بەردەوامیا برینا ئاڤێ ژ زێدەتری دەه رۆژان لسەر تەڤایا باژارێ حەسەكێ ژ ئالیێ توركیێ و گروپێن چەكدار یێن بسەرڤە ژبەر كو ووێستگەها علۆك یا ئاڤێ دكەڤە باژارێ سەرێ كانیێ یاكو نها دبن كونترۆلا وان گروپێن چەكدار دەیە و ئەو وێستەگ یا سەرەكە و تەكانەیە ژبۆ دابینكرنا ئاڤێ لسەر باژارێ حەسەكێ ..
هەروەها د بانگا خەلكێن باژارێ حەسەكێ دە هاتیە ژی كو ژبلی دەركەتنا كریزا ئاڤێ برینا ئلكتریكی و نەبوونا غاز و نان و بلندبوونا نرخێ كەل وپەلان ژ ئالیەكی ،
و مەترسیا بەلاڤبوونا ڤیروسا كۆرۆنا ژ ئالیەكی دنڤە ژیانا بێهتر ژ مەلیون كەسی خستیە بن مەترسیەكە مەزن دە و گۆتن ئەگەر رەوش ب ڤی رەنگی بەردەوام بكە د وێ دەمێ دە وێ باژارێ حەسەكێ راستی كارەسەتەكە مرۆڤی مەزن وەرە ژبەر ڤێ یەكێ ئەو بانگا خوە دگهینن جیهانێ و تەڤایا رێخستنێن هەوارچونێ كو ب ئەركێ خوە رابن داكو د زوترین دەم دە ژیانا خەلكێن سڤیل رزگار بكن.
125