ئەنجوومەنا خوەجهی یا كوبانێ یا ئەنەكەسە داخویانیەك ب بۆنەیا سالرۆژا شەڤا غەدرێ بەلاڤكر

آرك نيوز...ئەنجوومەنا خوەجهی یا كوبانێ یا ئەنجوومەنا نشتیمانیا كورد ل سووریێ داخویانیەك ب بۆنەیا سالرۆژا شەڤا غەدرێ ل باژارێ كوبانێ بەلاڤكر .

د داخویانیێ دە هاتیە كو ئیرۆ پێنج سال ب سەر كۆمكوژیا شەڤا غەدرێ ل باژارێ كوبانیچ دەرباس دبن , كو دئەنجامێ دە ب سەدان سڤیلێن بێ گونەه ل سەر دەستێ گرووپان ب شێوەیەكی هۆڤانە شەهید بوون.

ئەنجوومەنا خوەجهی یا ئەنەكەسە ل باژارێ كوبانێ گۆت كو شەڤا غەدرێ وەكە كارڤەدانەكێ هات ل هەمبەر رژدبوونا خەلكێ كوبانێ ب مانێ ل سەر خاكا خوە وب تایبەتی پشتی كو داعش ل كوبانێ هاتە تێكشكاندن وخەلكێ كوبانێ ژ پەنابەریێ ڤەگەریانە سەر خاكا خوە .

د داخویانیێ دە هاتیە كو ئەو ب دلەكی خەمگین شەهیدێن شەڤا غەدرێ و تەڤایا شهیدێن گەلێ كورد ب بیر تێنن .

ئەنجوومەنا خوەجهی د داخویانیا خوەدە گۆت كو ئەو تەڤایا شێوەیێن ئارمانجكرنا خەلكێ د دەما نهادە ئیدانە وشەرمەزار دكن وب تایبەتی د ڤێ قۆناغا هەستیار دە كو مەترسیا خەلكێ كوبانێ ژ دوبارە بوونا كارەساتا عەفرین , گرێ سپی , وسەرێ كانیێ ل كوبانێ هەیە , ئەەوژی هەڤدەمێ رێكەفتن ول هەڤتێگهشتنێن ناڤدەولەتی تێنە كرن و گەلێ كورد دبە قوربانی .

د داخویانیێ دە داخواز ژ تەڤایا ئالیێن بەرپرسیار دبەر ئەنجامدانا لێكۆلینان دەربارێ شەڤا غەدرێ دكن كو راستیان بۆ رایا گشتی وخەلكێ كوبانێ ئەشكەرە بكن.

د داویا داخویانیێ دە هاتیە كو كوبانێ وێ بمینە مانشێتا هەڤگرتنا كوردستانی , ووێ بمینە بنگەها یەكرێزیا هەلوێست وئالیێن كوردی كو بژاردەیا هەری سەرەكەیە ژ بۆ ب دەستخستنا مافێن گەلێ كورد .

192