جێفری ئارمانجا ئەمەریكا لسورێی ئەشكەرە دكە

ارك نیوز .. د داوین لێدوان ده‌ ده‌ربارێ هه‌لوێستا ئه‌مریكا ل هه‌مبه‌ر رژێما ئه‌سه‌د ده‌ , جێمس جێفری شانده‌یێ ئه‌مریكا یێ تایبه‌ت ژ بۆ سووریێ گۆت كو ئه‌مریكا ناخوازه‌ رژێما ئه‌سه‌د وه‌ره‌ گوهارتن , وب ته‌نێ ئارمانجا ئه‌مریكا پیشخستنا پرۆسه‌یا سیاسیا سووریێ یه‌ ل گۆری بریارا 2254 .

د هه‌ڤدیتنه‌كه‌ ڤیدیۆیی ده‌ ل په‌یمانگه‌ها رۆژهلاتا ناڤین ل واشنتۆن جێمس جێفری شانده‌یێ ئه‌مریكا یێ تایبه‌ت راگه‌هاند كو ده‌ما ئه‌و دبێژه‌ ئه‌مریكا ناخوازه‌ رژێما ئه‌سه‌د بگوهاره‌ , واته‌یا وێ ئه‌وه‌ كو ئه‌مریكا ناخوازه‌ رژێما ئه‌سه‌د ب له‌شكه‌ری بگوهاره‌ .

هه‌روه‌ها جێفری ته‌كه‌ز كر وگۆت ئه‌گه‌ر گه‌لێ سووریێ بخوازه‌ رژێما ئه‌سه‌د بگوهاره‌ , ل گۆری بریارا 2254 رژێما ئه‌سه‌د وێ وه‌ره‌ گوهارتن , وگه‌لێ سووریێ بریارێ ل چاره‌نڤیسا خوه‌ دده‌ ده‌ربارێ كیژا ئالی سه‌ركردایه‌تیا وی بكه‌ د سووریێ ده‌ , وپیشخستنا پرۆسه‌یا سیاسی ل سووریێ وێ ده‌رفه‌تێ ژ بۆ گه‌لێ سووریێ دابین بكه‌ داكو بریارێ ل چاره‌نڤیسا خوه‌ بده‌.

وه‌كه‌ جێفری دایه‌خویاكرن كو هه‌ردو ره‌وشێن ئابووری وله‌شكه‌ری وسزایێن كو هاتنه‌ سه‌پاندن وێ ریێ بدنه‌ ئه‌مریكا داكو بهتر فشارێ ل رووسیا بكه‌ داكو كریزا سووریێ ل گۆری بریارا ناڤده‌وله‌تی 2254 وه‌ره‌ چاره‌سه‌ركرن.

هه‌روه‌ها جێمس جێفری پێنج ئارامانجێن ئه‌مریكا ژ سه‌پاندنا سزایان ب سه‌ر رژێما ئه‌سه‌د دانه‌خویاكرن كو ئه‌وژی ئه‌ڤن :

1ـ رژێما ئه‌سه‌د وپشته‌ڤانێن وی روسیا وئێران د چارچۆڤه‌یا بریارا 2254 كار بكن , وباوه‌ریێ پێ بینن .

2ـ راوه‌ستاندنا گشتی یا شه‌ر .

3ـ دروستكرنا رۆله‌كه‌ راسته‌قینه‌ یا كۆمیته‌یا ده‌ستووری .

4ـ هه‌ڤكاری وهه‌ماهه‌نگی ل گه‌ل ئه‌مریكا ژ بۆ سزادانا ته‌رۆرستێن راسته‌قینه‌.

5ـ سه‌ربه‌ست به‌ردانا گرتی وبنچاڤكریان.

395