شهرهكى مهزن دناڤبهرا روسيا و ئيران ل سووريێ روودا
روژنامهیهك ئهلمانی راگهاند كو شهرهك ب چهكێ گران دناڤبهرا چهكدارێن ئیرانی ویێن روسی ل سووریێ هاته رودان كو د ئهنجام ده ب سهدان كوشتی وبریندار كهتن ژ ههردو ئالیان .
روژنامهیا سبیغل یا ئهلمانى د راپورتهكه خوه ده دیاركر كو بهلگه ل جهم وان ههنه تێده دیاردبه كو شهرهكی مهزن ب چهكێن گران دناڤبهرا چهكدارێن ئیرانی وروسی ل سووریێ ل سهر دابهشكهرنا دهڤهران رودایه .
روژنامهیا ناڤبوری ل سهر زارێ پهیامنێرێ خوه كریستوف رویتر بهلاڤ كریه كو وان تومارێن دهنگ یێن چهكدارێن رێژیما سووریێ پهیداكرنه تێده دیاردبه كو شهرهكی مهزن ل دهڤهرا الغاب ل پارێزگهها حهما ل سهر دابهشكرنا دهڤهران دناڤبهرا روسیا وئیران رودایه.
ل گورى رویتر چهكدارێ ههردو وهلاتان د ئیڤارا 19 ڤێ ههیڤێ ئیریشی ههڤ ب تانكهر وتوپ وچهكێن سڤك كرن كو د ئهنجام ده ب دههان كوشتی وبریندار كهتن ژ ههردو ئالیان .
ل گوری روژنامهیێ كو ئیران فرقهیا چاران یا رێژیما سووریێ كو ب سهر ماههر الئهسهد ڤه یه شاند ژ بو دهڤهرا شهر ل دهڤهرا غاب دا كو شهرێ فرقهیا پێنجان بكه كو ب سهر لوائ سهیل الحسن ڤه یه وپشتگریا روسیا دكه ل وێ دهڤهرێ .
ل گوری زانیاریان كو شهرهكی دناڤبهرا ههردو فرقهیان رودان لێ ئالیێ روسی بهێز تربو ودكاریبو وێ دهڤهرێ بگشتی كونترول بكه لێ پشتی كوشتنا نیزیكی 200 چهكداری ژ ههردو ئالیان .
رویتر ههروهها گوت كو نهدیاره گهلو سهروكێ رێژیما سوریێ بهشار الئهسهد چ دخوازه لێ تشتی ئهشكهره ئهوه كو تو رولا وی یا گرنگ نینه د سووریێ ده و شهرێ ڤێ داویێ باشترین نهمونهبو ل سهر ڤێ یهكێ .
420