چالاكڤانەكی عەفرینێ: ژ سەرێ مەهێ ڤە 150 مالبات ڤەگەریانە عەفرینێ
آرك نيوز... ته‌ڤی ئاسته‌نگی و رێگریا پەیەدێ و بنپێكرنێن كۆمێن چه‌كدار, رۆژانه پێلا ڤه‌گه‌رێ به‌ر ب هه‌رێما عەفرینێ یا رۆژئاڤایێ كوردستانێ ڤه به‌رفه‌ره‌هتر دبه, مالباتێن كورد د رێیێن زه‌حمه‌ت و ته‌نگاڤ ره, به‌رێ خوه ددن زێدێن خوه.
چالاكڤان موسته‌فا شێخۆ تایبه‌ت ژ ئاركێ ره راگهاند: ب سه‌دان مالبات ژ كامپێن شه‌هبایێ, تاخێن شێخ مه‌قسوود, ئە‌شره‌فیێ, لوبنانێ, توركیێ و هن باژارێن دن ڤه‌گه‌ریانه و تا نها پێل به‌رده‌وام دكه.
شێخۆ ئانی زمان: ژ چه‌ند رۆژان ڤه ب ده‌هان ژ مالباتێن كورد ڤه‌گه‌ریانه سه‌ر زێدێن خوه, كو ل گۆری داوین ئامار ژ سه‌رێ مه‌ها نیسانا 2022یان ده زێده‌تری 150 مالبات ڤه‌گه‌ریانه, وارێن خوه.
چالكاڤانێ كورد موسته‌فا شێخۆ كو ب خوه ژ شێنیێن ناڤچه‌یا شیێ یا عەفرینێ یه بال كشاند سه‌ر وێ یه‌كێ كو پرانیا مالباتێن ڤه‌گه‌ریانه ژ كۆچبه‌ركریێن كامپێن شه‌هبایێ, ده‌ربده‌رێن تاخێن حه‌له‌بێ و په‌نابه‌رێن لوبنان و توركیێ نه.
سیاسه‌تمه‌دار و چاڤدێر پێلا ڤه‌گه‌رێ ب گاڤه‌كه پیرۆز ب ناڤ دكن, لێ ل هه‌مبه‌ر ده ته‌كه‌ز دكن كو دڤێ ته‌ڤگه‌ر, ده‌زگه‌ه, كۆمه‌لا كه‌سایه‌تیێن ده‌وله‌مه‌ند و ره‌ڤه‌ندا كوردی خوه‌دی ڵ ڤان مالباتان ده‌ركه‌ڤن و پشتگریه‌ك ئابووری و واته‌داری ژ وان ره پێشكێش بكن دا كو ببه سه‌ده‌مه‌كه هانده‌ر ژ ڤه‌گه‌را هه‌موو كۆچبه‌ركری, ده‌ربده‌ر و په‌نابه‌ران ره.
ش.ع
222
