ناڤچەیێن بن دەستێ رژێما ئەسەد دە بانگا روخاندنا ئەسەد دكن

ارك نيوز .. ل گەل نێزیكبوونا بجیكرنا قانونا سیزەر , رەوشا رژێما ئەسەد رۆژ ب رۆژ بەرەڤ خرابوونێ دجە , ود ناڤا ناڤچەیێن دبن كۆنترۆلا رژێما ئەسەد دە دەنگ بلند دبن وبانگ دكن ب رووخێ رژێما ئەسەد , ود ناڤا فرقەیا چاران دە كو فەرماندارێ وێ ماهر الاسدە , چەكدار جودا دبن , ود روویێ رژێمێ دە رادوەستن.

بەریا دو رۆژان هەشت چەكدار كو د ناڤا رێزێن فرقەیا چاران دە یا كو ماهر الاسد سەرپەرشتیا وێ دكە جودابوون , ول ناڤچەیا دومێر ل دەرۆرا شاما پایتەختا سووریێ د رووێ رژێمێ دە راوەستان , ول هەمبەر دە رژێما ئەسەد ئالاڤێن لەشكری یێن گران ئانینە دەردۆرا دومێر , وبالەفریێن رژێما ئەسەد سێ ئێریشێن ئاسمانی ل ناڤچەیێ ئەنجامدان .

ل گۆری كو هاتیە راگەهاند دئەنجاما شەر وپەڤچوونان دە هەر هەشت چەكدارێن كو د رووێ رژێمێ دە راوەستان , هاتنە كوشتن .

وهەڤدەم ل گەل پێشڤەچوونێن ل ناڤچەیێن د بن دەستێ رژێما ئەسەد دە , دەنگ بلند دببن ودبێژن ب رووخێ رژێما ئەسەد وب تایبەتی ل پارێزگەهێن لازقیە , تەرتووس , حمص , دێرازۆرێ , وسوێدا.

ل گۆری كو هاتیە شرۆڤەكرن , ئیدی خەلك نكارن دەبارا ژیانا خوە بكن , ژ بەر بێ بەهابوونا لەیرەیا سووری ل هەمبەر دۆلارێ ئەمریكی , ودئەنجامێ دە كەل وپەل گران بوونە , ول بازاران نەمانە .

هەروەها شرۆڤەكار دبێژن ئەو ناڤچە وپارێزگەهێن كو پشتەڤانیا رژێما ئەسەد دكرن , گەهشتنە وێ باوەریێ كو چارەسەری ژ رەوشا خراب یا سووریێ رە , روخاندنا رژێما ئەسەد دە .

بەری نێزیكی دو مەهان كێشە ناڤبەرا هەردو مالباتێن كو فەرمانداریا سووریێ دكرن دەركەتن , كو مالباتا الاسد ومالباتا مخلووفە , ورامی مەخلووف هۆشداری دا رژێما ئەسەد وگۆت كو قوناغا بێ وێ گەلەك مەترسیدار بە , وعەرد هەژین وێ ل سووریێ رووبدە ئەگەر رژێما ئەسەد د ڤێ سیاسەتێ دە بەردەوام بە .

وژئالیەكی دنڤە رۆسیا ژی ئیدی گەهشتیە وێ باوەریێ كو رژێما ئەسەد نكارە بەرژەوەندیێن وێ د سووریێ دە بپارێزە , وپۆتین فەرمان كر كو رۆسیا بهتر رێكەفتنان لگەل رژێما ئەسەد ئمزە بكە داكو پشتی چوون ویان ژی رووخاندنا رژێما ئەسەد هەبوونا وهەژموونا رۆسیا د سووریێ دە بپارێزە .

319