ژمارەیا تووشبووان ب ڤایرۆسا كۆرۆنا ل جیهانێ گەهشتە 7.996.880 كەسی
ارك نيوز .. ڤایرۆسا كۆرۆنا د بەلاڤبوونێ دە ل جیهانی بەردەوامە وهەتا وەكە نها نێزیكی هەشت مەلیۆن كەس ل سەرانسەرێ جیهانێ تووشی كۆرۆنا بوونە.
ل گۆری داوین ئامارێن سەنتەرێن چاڤدێریكرنا ڤایرۆسا كۆرۆنا ل جیهانێ , هەتا وەكە ئیرۆ حەفت مەلیۆن ونەهسەد ونۆت وشەش هەزار وهەشیەد وهەشتێ كەس تووشی ڤایرۆسا كۆرۆنا بوونە , وبهتر ژ نێڤی وێ ژمارەیێ ژ كۆرۆنا ژی باشبوونە .
سەنتەرێن چاڤدێریكرنێ دانەزانین كو چار مەلیۆن وسەد وبیست ونەه هەزار وسەد وبیست ویەك كەس ژ ڤایرۆسا كۆرۆنا باشبوونە , وچارسەد وسی وپێنج هەزار وشەسەد وشێست وشەش كەس ب سەدەما كۆرۆنا ژیانا خوە ژ دەستدانە .
ئالیێن پەیوەندیدار یێن تەندرۆستی دبێژن ژ بەر خەلك نەپابەندە ب رێنمایێن تەندرۆستیی ڤە لەوما ئاستەمە ڤایرۆسا كۆرۆنا وەرە كۆنترۆلكرن , وئەگەر رەوش ب ڤی ئاوایی بەردەوام بە كارەسات وێ رووبدن .
وژئالیێ خوەڤە ژی دكتۆر ایڤان ئۆسێ د چارچۆڤەیا بەشداریێ د بولتەنا ئاركێ دە گۆت ڤایرۆسێ كۆرۆنا ل وەلاتەكی بۆ وەلاتەكی دن تێ گوهارتن , وپێویستە پلەیا گەرمایێ ژ شێست پلەیی بهتر بە داكو ڤایرۆسا كۆرۆنا وەرە ژ ناڤبرن
333