جێفری: ژبلی هێزێن روسی دڤێ هێزێن ئەمەریكی ، ئیرانی ، و توركی ژ سوریێ ڤەكشن

ارك نیوز .. شاندەیێ ئەمریكی یێ تایبەت ژبۆ سوریێ دبێژە دڤێ تەڤایا هێزێن بیانی یێن كو پشتی سالا دوو هەزار و یازدەهان دە دەرباسی سوریێ بوونە ڤەكشن و تەنێ هێزێن روسی بمینن .

جێمس جێفری شاندەیێ ئەمەریكی یێ تایبەت ژبۆ سوریێ د هەڤپەیڤینەكێ دە ب رۆژنامەیا شەرق ئەلەوسەت رە راگهاند كو وەلاتێ ئەمەریكا ب هەمو رێین دبلوماسی و لۆجستی پشتەڤانیێ ل ئێریشێن ئسرائیلی لسەر بنگەهێن هێزێن ئیرانی لسوریێ دكە ، و گۆت پێویستە ژبلی هێزێن روسیایێ ، هێزێن ئەمەریكی ، ئیرانی ، و توركی یێن كو پشتی سالا دوو هەزار ویازدەهان دە دەرباسی سوریی بوونە ، ژێ دەركەڤن .

د دەربارێ هەبوونا هێزێن ئەمەریكی لسوریێ دە جێفری تەكەز كر كو هەبوونا ئەمەریكا لسوریێ حەتا بداویكرنا ئەركێ وێ یێ لەشكەری یا ژناڤبرنا رێخستنا داعش یا تەرۆریست ب یەكجاری بەردەوامبە ، وگۆت ڤەكشاندنا ب تەمامی ژ شوریێ نە د پلانا مە دەیە ژبەر كو حەتا نها داعشێ ب تەمامی نەهاتیە ژناڤبرن.

دەربارێ سەپاندنا سزایان بسەر رێژیما سوریێ جێفری گۆت كو وەلاتێ وی وێ د سەپاندنا سزایان بسەر رێژیما سوریێ بەردەوامبە ، حەتا كو رێژیم ب چارەسەیا سیاسی قەبول بكە .

لسەر سزایێن ئەورۆپایی ژی شاندەیی ئەمەریكی یێ تایبەت بۆ سوریێ گۆت كو ئەو پشتەڤانیا سەپاندنا سزایێن ئەورپی لسەر سوریێ دكن ووێ ئەڤ سزا بەردەوامبە حەتا قەبولكرنا رێژیما ئەسەد ب چارەسەریا سیاسی ، و هێڤی كر كو ریژیم ئاگربەستا راوەستاندنا شەر ل ئدلبێ دریژ بكە و ئەگەر نا وێ سزا لسەر بەردەوامبە .

لسەر هەبوونا هێزێن روسی ل رۆژهەلاتێ چەمێ فەراتێ لرۆژئاڤایێ كوردستانێ جێفری گۆت ، هێزێن روسی ب چار ، پێنج ئۆتۆمبیلین لەشكەری گەرێن خوە یێن چاڤدێریێ ئەنجام ددە، لێ لسەر عەرێ توو هەبوونا وێ یا راستەقینە نینە، هەروەها توو هەبوونا رێژیمێ ژی توونەیە بتەنێ چەند باراگەهێن وی لقامشلۆ و دێرا زۆرێ هەنە لی توو هەبوونا وان لسەر عەردێ توونەیە ، لێ هێزێن كو لسەر عەردێ نە و هەبوونا وان یا راستەقینە هەیە هێزێن هەسدێ و هەڤپەیمانیا ناڤدەولتی یا لدژی داعشێ نە .

348