دووبارا خوه‌ندن وشرۆڤه‌كرنا كۆمكوژیا سوێدایێ
ئه‌ندامێ پۆلیتبیرۆیا پارتیا ده‌مۆقراتا كوردستان سووریا گۆتاره‌ك ل سه‌ر رووپه‌لا خوه یا فه‌رمی ل ژێر ناڤێ دووبارا خوه‌ندن وشرۆڤه‌كرنا كۆمكوژیا سوێداێ به‌لاڤ كر .
د گۆتارا دكتۆر عه‌بدالحكیم بشار ئه‌ندامێ پۆلیبیرۆیا پارتیا ده‌مۆقراتا كوردستان سووریا ده هاتیه كۆمكوژیا كو د بیست وپێنجێ مه‌ها بووری ده ژ ئالیێ رێخستنا داعشێ یا ته‌رۆری ل سه‌ر خه‌لكێ سوێدایێ ده هاتبوو كو د ئه‌نجامده بێتر 300 شه‌هید ژ برایێن دورزی و ب سه‌دان بریندار كه‌تن نه ژ خوه سه‌رێ هاته ئه‌نجامدان لێ به‌لێ پلانه‌ك زندی بوو ژ ئالیێ رژێما سووریێ ڤه .
كو به‌ریا پێكئانینا كۆمكوژیێ هن پلان هاتنه كرن وه‌ك به‌لگه‌یه‌ك بوو كو خه‌مساری یان شێوه‌یه‌ك ژ هه‌ماهه‌نگیێ ژ ئالیێ رێژیمێ ڤه ده‌ربارێ وێ كۆمكوژیێ ده هه‌بوو وه‌ك هن هوورگولیێ گرێدایی بكشاندنا چه‌كان ژ خه‌لكێ ده‌ڤه‌رێ وهن به‌لگه‌یێن دن .
دكتۆر عه‌بدالحكیم بشار درێژاییێ ب گۆتارا خوه تینه ودبێژه ته‌ڤی ده‌رباسبوونا بێتر ژ دوو حه‌فته‌یان سه‌ر كۆمكوژیێ ره وبه‌لاڤبوونا هژماره‌ك ژ هوورگولی و بده‌هان گۆتار وشرۆڤه‌كرن لێ تا نها لێكۆلین ده‌ربارێ وێ یه‌كێ ده پێویسته داكو چاوانییا پێكهاتنا كۆمكوژیێ ژ هه‌موو ئالییان ڤه وه‌رن ئه‌شكه‌ره‌كرن كو پێچی وتلیێن تۆمه‌تێ به‌رێ خوه ددن رێژیمێ .
بشارهه‌روه‌ها دپێژه ئه‌گه‌ر هه‌یه هژماره‌ك پرسیاربكن كو ژ سوودا رێژیمێ ژ ڤێ یه‌كێ چییه وب تایبه‌ت پرانیا ده‌ڤه‌ران ژ ده‌ستێ ئۆپۆزسیونێ ده‌رخست وده‌ست خوه دانی سه‌رێ پرانییا سووریێ گه‌لۆ ژبۆ چ ئه‌و كۆمكوژی ل وێ ده‌ڤه‌را ئاشتیانه هاته پێكئانین؟؟
دكتۆر عبدالحكیم بشار دبینه كو دوو ئارمانج ژپێكئانینا وێ كۆمكوژیێ هه‌نه
دووبارا ڤه‌گه‌راندنا خه‌لكێ وێ ده‌ڤه‌رێ ژبۆ حه‌مبێزا رێژیمێ و خستنا جوانێن ده‌ڤه‌رێ ژ بۆ شه‌رێ دژی گه‌لێ سووریێ كو ژ ده‌سبێكا شۆره‌شا سووریێ خه‌لكێ وێ ده‌ڤه‌رێ رازینه‌بوون خوه بكن د خزمه‌تا رێژیمێ ده ود جیبجیكرنا ئه‌ولهیێ د وێ ده‌رێ ده ب سه‌ركه‌تن.
دوویه‌م گهاندنا نامه‌یه‌كێ ژبۆ جڤاكا ناڤده‌ولتی كو هین ته‌رۆریست ل سووریێ هه‌یه وب هێزه ونووچه‌یا وراگهاندنا جڤاكا ناڤده‌ولتی كو شه‌رێ ته‌رۆرێ بداوی هاتیه دووره ژراستیێ داكو خوه بجسپێنه كو ئه‌گه‌رهزر بكن بدیله‌كی ل شوونا رێژیم دینن ب ته‌نێ ته‌رۆریستێن وه‌ك داعشێ هه‌نه ووهین مه‌ترسییا رێخستنێن ته‌رۆری ل سه‌ر سووریی هه‌یه.
عبدالحكیم بشار د گۆتارا خوه هه‌روه‌ها ددزانین كو بڤان سینارۆیان رێژیما ئه‌سه‌د ژ جڤاكا ناڤده‌ولتی ره ته‌كه‌ز كر كو ئه‌و ژ رێخستنێن ته‌رۆری ل سه‌ر ده‌سهلاتداریێ باشتره لێ دڤێ جڤاكا ناڤده‌ولتی زانبه كو ب مایینا رێژیمی مایین وهه‌بوون رێخستنێن ته‌رۆری یه ژ به‌ر كو به‌شدار بوو د ئافراندن وڤه‌حه‌واندن ته‌رۆرێ ده و ئه‌و یه‌ك ژ به‌رپرسێن ئه‌مریكی یێن رێڤه‌به‌ریا به‌رێ وه‌كه جۆن كێری ده هاته ئه‌شكه‌ره‌كرن.
د داویا گۆتارا خوه دكتۆر عه‌بدالحكیم بشار ئه‌ندامێ پۆلیبیرۆیا پارتیا ده‌مۆقراتا كوردستان سووریا دد خویاكرن كو ده‌م هاتیه كو جڤاكا ناڤده‌ولتی بزانبه ب هه‌بوونا رێژیمی ته‌رۆر ژ سووریێ نایێ ژناڤبرن و بهه‌ڤره دژین ووێ ب هه‌ڤره بمرن وهه‌ر هه‌ولك ژبۆ ژناڤبرنا ته‌رۆرێ ب هه‌بوونا رێژیمێ ب سه‌ر ناكه‌ڤه ژ به‌ر كارین وشیانێن رێژیمێ هه‌نه كو هن رێخستنێن دن یێن ته‌رۆری بئافرینه داكو هه‌رده‌م گه‌ڤان بده جڤاكا ناڤده‌ولتی وپارستنێ سه‌ر ده‌سهه‌لاتداریا خوه یا سه‌ر كۆمكوژیان رابوویه بكه .
ش.ع
المقال يعبر عن رأي الكاتب
623
