داوین ئامارا قربانیێنڤەیروسا كۆرۆنا ل جیهانێ

ارك نیوز .. بەردەوام ژمارەیا كەسێن كو تووشی ڤەیرۆسا كۆرۆنا دبن وژیانا خوە ژ دەست ددن د زێدەبوونێ دەیە , ول گۆری داوین ئامار ژمارەیا قوربانیێن كو ژیانا خوە ژ دەستدانە دو هەزار وحەفسەد كەس دەرباس كریە.

ناڤەندێن تەندرۆستی یێن جیهانی ئیرۆ چارشەمێ داوین ئامارا قوربانیێن تووشبوو وقوريانيێن ڤەیرۆسا كۆرۆنا بەلاڤكر ول گۆری ئامارا هاتی بەلاڤكرن ژمارەیا تووشبووێن ڤەیرۆسا كۆرۆنا ل وەلاتێ صینێ گەهشتیە ( 78062 ) حەفتێ وهەشت هەزار وشێست ودو كەسی .

هەروەها ناڤەندێن تەندرۆستی یێن جیهانی دانەزانین كو ژمارەیا تووشبووێن ڤەیرۆسا كۆرۆنا ژ دەرڤەیی وەلاتێ چینێ گەهشتیە (2922) دو هەزار ونەهسەد وبیست ودو كەسی , ول سەر ڤان وەلاتان تێنە دابەشكرن (سەنگافورە، هۆنگ کۆنگ، یابان، تایلەند، کۆریای باشوور، مالیزیا، تایوان، ئەڵمانیا، ڤێتنام، ئوسترالیا، ئەمریکا، فەرەنسا، مەکاو، بەریتانیا، کەنەدا، ئیمارات، هیندستان، ئیتاڵیا، فلیپین، رووسیا، ئیسپانیا، بەلجیکا، کەمبۆدیا، میسر، عێراق ، ئێران ، فینلاند، نیپاڵ، سریلانکا و سوید ).

وئیرۆ وەلاتێن نەمسا، عومان، جەزائیر، کڕواتیا، سویسرا بۆ خشتەیا وەلاتێن كو كۆرۆنا لێ بەلاڤبوویە زێدەبوون .

وژئالیێ خوەڤە وەزارەتا تەندرۆستیا عێراقێ ژی راگەهاندیە كو هەتا وەكە نها پێنج حالەتێن تووشبوونێ ب ڤایرۆسا كۆرۆنا هاتنە تۆماركرن یەك ژ وان ل زیقارە ، وچارێ دن ل كەركووكێ نە .

وەكە ناڤەندێن ناڤبووری دانەزانین كو هەتا وەكە ئیرۆ ( 2764 ) دو هەزار وحەفسەد وشێست وچار كەسان ب سەدەما ڤەیرۆسا كۆرۆنا ژیانا خوە ژ دەستدانە , وژ وێ ژمارەیێ ( 2715 ) کەس ل صینێ ، - 16 کەس ل ئێران - 4 کەس د ناڤا كەشتیێن كو دناڤا ئاڤا یابانێ دەنە - 12 کەس لە کۆریا باشوور - 2 کەس ل هۆنگ کۆنگ - 1 کەس ل یابان - 1 کەس ل تایوان - 1 کەس ل فەرەنسا - 1 کەس ل فلیپین - 11 کەس ل ئیتاڵیا.

هەروەها د خشتەیا ناڤەندێن تەندرۆستی یێن جیهانی هاتیە بەلاڤكرن كو ( 29839 ) بيست ونەهـ هەزار وهەشسەد سی ونەهـ تووشبووێن ڤەیرۆسا كۆرۆنا ل وەلاتێ صینی ژ ڤەیرۆسا كۆرۆنا هاتنە چارەسەركرن بێ كو دەرمان ئانگۆ دژە ڤەیرۆس بدنە ناسكرن .

وەكە راپۆرتێن تەندرۆستی یێن جیهانی دانەزانین كو ڤەیرۆسا كۆرۆنا مەترسیێ ل سەر ( 60% ) ژ جیهانێ دروست دكە , وئەگەر دژە ڤەیرۆسا كۆرۆنا نەویێ دیتن وی دەمی رەوش رۆژ ب رۆژ وێ بەرەڤ خرابوونێ بچە.

432