ترامپ داخوازێ ژ روسیا دكە كو پشتا ئەسەد بەردە

ارك نیوز .. پشتی دەرباسبوونا سێ مەهان ژ دەسپێكرنا ئۆپەراسیۆنا بەژایی یا رێژیما ئەسەد ب پشتەڤانیا روسیا لسەر باژارێ ئدلب و گوندەوارێن وێ كو د ئەنجاما وێ پۆپەراسیۆنێ دە رێژیما تا نها كاریە رووبەرەك مەزن ژ باژاری بخە بن كونترۆلا خوە دە و رۆژ ب رۆژ پێشڤەچونان بدەست خوەڤە تینە ، دۆنالد ترامپ سەرۆكێ ئەمەریكا بۆ یەكەم جار بحسا رەوشا ئدلبێ دكە و داخوازێ ژ روسیا دكە كو پشتا رێژیما ئەسەد بەردە .

د داخویانیەكێ دە كۆشكا سپی راگهاند كو ژبەر ئالۆزی و تێكچوونا رەوشا باژارێ ئدلبێ ژبەر بەردەوامیا ئێریشێن رێژیما ئەسەد ب پشتەڤانیا روسیا و ئەنجامدانا بنپێكرنان دەرحەقێ وەلاتیێن سڤیل دە ، دۆنالد ترامپ سەرۆكێ ئەمەریكا دۆه فكارا خوە دەربارێ رەوشا ئدلبێ دەربراند و داخواز ژ وەلاتێ روسیا كر كو پشتا رێژیما ئەسەد بەردە ورێژیم بنپێكرنێن خوە ل ئدلبێ راوەستینە .

وەكە هەمان داخویانیێ ئەشكەرە كریە كو رۆژا شەمیێ سەرۆكێ ئەمەریكا پەیوەندیەك تەلیفۆنی لگەل رەجەب تەیب ئەردۆغان سەرۆكێ توركیێ ئەنجام دا و د وێ تەلیفۆنی دە ترامپ مەترسیا خوە ژ تێكچوونا رەوشا باژارێ ئدلبێ رە نیشان دا ، و داخوازا راوەستاندنا شەر و تووندوتوژیێ ل ئدلبێ كر كو پێویستە روسیا پشتەڤانیا خوە ژ رێژیمێ رە راوەستینە .

كو ژئالیی خوەڤە ژی سەرۆكاتیا توركیێ د داخویانیەكێ دە بحسا پەیوندیا ناڤبەرا هەردوو سەرۆكان كربوو كو ئەردۆغان و ترامپ د وێ پەیوەندیێ دە بحسا داوین پێشهاتەیێن رەوشا ئدلبێ و لیبیایێ كربوون ، كو ژ ئالیێ خوەڤە ئەردۆغان تەكەزی لسەر پاراستنا خالێن خوە یێن چاڤدێریێ كربوو و رەدكرنا وەلاتێ خوە ژ دۆرپێچكرنا وان خالێن چاڤدێریێ ژ ئالیێ ریژیمێ ڤە نیشان دا .

ژبەر ئالۆزیا رەوشا ئدلبێ ژبەر بەردەوامیا ئێریشێن رێژیما ئەسەد و روسیێ یێن هۆڤانە بوویە سەدەما درستبوونا كارەسەتەكە مرڤی مەزن ل ئدلبێ ئیدی وەلاتێن ئۆرپی د دەما داویی دە پشتەڤانیا خوە ژ ئدلبێ رە نیشان ددن و داخوازێ ژ روسیا و ریژیمێ دكن كو ڤان ئێریشێن خوە یێن هۆڤانە لسەر وەلاتێێن سڤیل راوەستینن لێ تەڤی ڤێ یەكی هینژی رێژیم و روسیا د ئارمانجكرنا باژار و باژارۆكێن ئدلبێ و گوندەوارێ وێ دە بەردەوامن كو رۆژانە بسەدەما شەر وبومبەرانكرنێ قربانی ناڤبەرا كوشتی وبریندار دكەڤن

416