رێژیما ئەسەد هەژمارەك گوند وباژارۆكێن دن كۆنترۆل كرن
ارك نیوز .. ژێدەرێن خوەجەهی ژناڤا ئدلبێ راگهاندن كو دۆه پشتی گووركرنا رێژیما ئەسەد و روسیی ژ ئێریشێن خوە لسەر باژار وباژارۆكێن ئدلبێ ، چەكدارێن رێژیما ئەسەد ب پشتەڤانیا روسیا هەر یەك ژ گوندێ بابۆلین ، سهیان، كفرباسین ، السالحیە ، بسیدا ، معر حتات لباشورێ ئدلبێ ژ دەستی گروپێن چەكدار دەرخستن و خستە بن كۆنترۆلا خوە دە .
هەروەها چالاكڤانان دانە زانین كو د هەمان رۆژی دە چەكدارێن رێژیمێ و مێلیسیاتێن بسەرڤە ژ بنگەهێن خوە ئێڕیشەك برن سەر هەردوو گوندێن التح و الدیر الغربی دە و د ئەنجامێ دە رێژیم هەردوو گوند كۆنترۆل كرن .
هەمان چالاكڤانان گۆتن كو دەرەنگیا رۆژا یەكشەمێ وپشتی هەولوكە پێشڤەچوونێ ڤە بەرەڤ باژارێ معرە النعمان دە كو رێژیم كاریە وی باژاری ژ ئالیێ باكور و رۆژهەلاتێ ڤە دۆرپێچكر و هەردوو گوندێن الدانا و بابیلا و معسەران یا بسەر دەڤەرا معرە النعمان ڤە ژی بخە بن كۆنترۆلا خوە دە .
دەرباری ئامارێن قربانیان ل ئدلبێ تۆرا سوریێ یا مافێ مرۆڤان راگهاند كو ژ دەما راگهاندنا ئاگربەستا راوەستاندنا شەر ل ئدلبێ ژ ئالیێ توركیی و روسیی ڤە 87 وەلاتیێن سڤیل جانێ خوە ژ دەست دانە .
كو لگۆری تۆرا ناڤهاتی دیار كریە كو ژ وێ ژمارەیی 34 سڤیل دناڤ واندە 7 زارۆك و 2 ژن هەنە ژ ئالیێ رێژیما ئەسەد ڤە ل ئدلبێ هاتنە كوشتن ، سەرباری كوشتنا زارۆكەكی و ژنەكێ لباژارێ حەلەبێ ، هەروەها 11 كەس ژی ل ئدلبێ دناڤ واندە 5 زارۆك و دوو ژن هەنە لسەر دەستێ روسیا هاتنە كوشتن و ل حەلەبێ ژی 39 سڤیل د ناڤ واندە زارۆك و ژن ژی هەنە ژ ئالیی بالافرێن شەر یێن روسی ڤە چانێ خوە ژ دەست دانە .
ژ بیست وپێنجێ مژدارا سالا دوو هەزار ونۆزدەهان دە رێژیما ئەسەد ب پشتەڤانیا روسییێ دەست ب ئۆپەراسیۆنا خوە یا بەژایی لسەر ئدلبێ كریە ، و د ئەنجاما وێ ئۆپەراسیۆنێ دە رێژیم ب دەهان گوند و باژارۆك كۆنترۆل كرنە ، و تەڤی راگهاندنا ئاگربەستی ژ ئالیێ توركیا و روسیێ ڤە لێ هینژی رێژیم و روسیا د بنپێكرنێن خوە دە دەرحەقێ سڤیلان دە بەردەوامن و رۆژانە سڤیل ژبەر وان ئێریشێن هۆڤانەڤە دبن قربانی سەرباری دروستبوونا پێلەكە دەربەدەریێ ژ ئالیێ خەلكێن دەڤەرێ ڤە كو تا نها ب سەدێ هەزاران كەس مالێن خوە بجه هشتنە و دەربەدەری دەڤەرێن دن بوونە .
296