نەتەوین یكگرتی داخوازا دیتنا چارەسەریەك سیاسی ژ كریزا سوریێ رە دكە

ارك نیوز .. نەتەوێن یكگرتی داخواز دكە كو د زوترین دەم دە چارەسەریەك سیاسی ژ كرزا لیبیا و سوریێ رە وەرە دیتن ژبۆ بداویئانینا ململانیی ل هەردوو وەلاتان.

د چارچۆڤەیا بەشداریی د كۆربەندا ئابووریا جیهانی یا داڤۆس دە ل سویسرایێ فیلیبۆ گراندی كۆمسیارێ بلند یێ كاروبارێن پەنابەران د نەتەێن یكگرتی دە داخواز ژ جڤانا ناڤدەولتی كر كو د زوترین دەم دە چارەسەریەكە سیاسی لشوونا ململانیا كو لسویێ و لیبیایی روو ددە رە ببینە .

ئاژانسا ئانادۆل یا نۆۆچەیان لسەر زارێ گراندی لباژارۆكێ داڤۆسا سۆیسری دبێژە كۆمسیونا بلند یا كاروبارێن پەنابەران د نەتەوێن یكگرتی دە توشی زەحمەتی و ئاستانگیان دەرباری گهاندنا ئالیكاریێن مرۆڤی بۆ باژارێ ئدلبا سوری و وەلاتێ لیبیایێ تێ .

هەروەها گراندی فكارا خوە دەربارێ خرابوونا رەوشا مرۆڤی ل ئدلبێ و كۆچبەركرنا سڤیلان ژ دەڤەرێن خوە ژ ئالیی رێژیما ئەسەد ڤە دەربراند.

هەروەها كۆمسیارێ بلند یێ كاروبارێن پەنابەران د نەتەوێن یكگرتی دە گۆت كو هەلوێستا وان دەربارێ ئدلبێ زەلالە و پێویستە چارەسەریەك سیاسی و رێیەك ئاشتیانە ژ رەوشا ئدلبێ رە وەرە دیتن داكو دەربەدەرێن ئدلبێ بكاربن جاردن ڤەگەرن سەر مال وملكێن خوە ل ئدلبێ و گوندەوارێن وێ وگۆت كو هەول تێنە دان ژبۆ دەرباسكرنا ئالیكاریێن مرۆڤی بۆ باژارێ ئدلبێ لێ ئەو راستی ئاستانی و زەحمەتیان تێن و پێویستە چارەیەك ژ ڤێ پرسگرێكێ رە ژی وەرە دیتن داكو نەتەوێن یكگرتی و رێخستنێن بسەرڤە بكاربن كاروانێن ئالیكاریان بشینن ئدلبێ و گوندەوارێن وی .

گراندی تەكەزی ژی كر ئەگەر چارەسەریەك ژ كریزا سوریێ رە نەوێ دیتن توو جاری رەوشا مرۆڤی چارەسەر نابە ، و پێویستە وەلاتێن یەیوەندیدار و یین ب باندۆر د ریێا دیالۆكێ رە كریزا سوریێ بداوی بینن و چارەسەریەكێ ژێرە ببینن داكو ئارامی و ئەولەهی لتەڤایا سوریێ بەرقەرار ببە و پەنابەر بكاربن بێ توو فشار ڤەگەرێن وەلاتێ خوە .

452