تیما هەڤرێزكارێن بەرسڤدانێ هەژمارا دەربەدەر و زیانان لباكورێ سوریێ ئەشكەرە دكە

تیما هەڤرێزكارێن بەرسڤدانێ هەژمارا دەربەدەر و زیانان لباكورێ سوریێ ئەشكەرە دكە

Jan 20 2020

ارك نیوز .. د راپۆرتەكێ دە تیما هەڤرێزكارین بەرسڤدانێ ئامارێن قربانی و زیانین مادی و دەربەدەران د ئەنجاما ئێریشێن رێژیما ئەسەد و روسیا لسەر دەڤەرێن كیمكرنا ئاستا شەر لسوریێ ب بەلگە ئەشكەرە دكە ...

د راپۆرتەكە خوە دە تیما هەڤرێزكارێن بەرسڤدانی ئەشكەرە كر كو ژ دەسپێكا ئۆپەراسیۆنا رێژیما ئەسەد یا چارەم لسەر دەڤەرێن كیمكرنا ئاستێ شەر دە بیهتری چارهەزار و حەفسەد مالبات ئانگۆ بیست و شەش هەزار و هەیسەد كەس كو حەفتێ وسێ ژ سەدێ ژ وێ هەژمارێ ژن و زارۆكن ژ دەڤەرێن باشور و رۆژئاڤایێ گوندەوارێ ئدلبێ دەربەدەربوونە .

وسەربار كر كو ژ وێ هەژمارێ دەردۆرا دەه هەزار دەربەدەر بەرێ خوە دانە گوند وباژارۆكان ، هەیشت هەزار و پێنسەد دەربەدەری كامپان بوونە ، و هەژمارا مایی دەربەدەری دەڤەرێن سینۆری بوونە .

هەر لگۆری هەمان تیمێ دایە خویاكرن كو ژ شازدەهێ ڤێ مەهێ ڤە باژار وباژارۆكێن لرۆژئاڤا و باشورێ گوندەوارێ حەلەبێ راستی تۆپ و موشەكان ڤە تێ سەرباری پێكئانینا ب دەهێن ئۆپەراسیۆنین ئەسمانی ژ ئالیی بالافرێن شەر یێن رێژیم و روسیی ڤە ، یا هەری داوی ئارمانجكرنا رێژیمێ ژ ناڤەندەكە ڤەحواندێ رە لگوندەوارێ حەلەبێ كو د ئەنجاما وێ ئێریشێ دە مالباتك بتەمامی هاتە كوشتن .

دەربارێ رەوشا ئدلبێ ، تیما هەڤرێزكارێن بەرسڤدانێ د راپۆرتا خوە دە ئەشكەرە كریە كو ژبەر بەردەوامیا ئیرێشێن رێژیما ئەسەد و روسیێ لسەر باژارێ ئدلبێ و گوندەورێن وی و بتەنێ د هەیاما مژدارا سالا بووری و تا دووازدەهێ ڤێ مەهێ سێسەد و هەیشتی و دوو هەزار كەس ژ باژارێن خوە دەربەدەربوونە .

دەربارێ ئاارین قربانیان ژی تیمێ دا دیاركرن كو ژبەر گووربوونا ئێریشێن رێژیم و روسیی لسەر ئدلبێ هەری كێم سێسەد و سێسدە سڤیل هاتنە كوشتن وزێدەتری هەزار و هەیسەد و سیه وچار كەس ژی برینداربوونە ، سەرباری ئارمانجكرنا بێهتری سەد و شێست و نەه ئاڤاهی ناڤبەرا نەخوەشخانە و ناڤەندێن تەندروستیێ و ناڤەندێن خزمەتگوزاری و دبستانان دە .

تیما ناڤهاتی دا زانین ژی كو ریژیما سوریێ د چارچۆڤەیا ئۆپەراسیۆنا خوە یا بەژایی دە لسەر ئدلبێ دە تا نها كاریە زێدەتری چل گوند وباژارۆكێن گوندەوارێ ئدلبێ كۆنترۆل كریە ...
تەڤی راگهاندنا ئاگربەستا راوەستاندنا شەر ل ئدلبێ ژ روسیا و توركیێ كو ژ رۆژا یەكشاما بوری ڤە كەتیە وارێ جیبجیكرنێ دە لێ تەڤی ڤێ یەكێ ژی هین رێژیم و روسیا د ئارمانجكرنا دەڤەرێن كیمكرنا ئاستێ شەر دە بەردەوامن و رۆژانە د ئەنجاما وان ئێریشێن هۆڤانە دە كوشتی و بریندار دكەڤن ، زیانێن مادی مەزن ژی تێنە روودان .


552