بریارە ئەنجومەنا ئەولەهی جڤینەكێ دەربارێ ئدلبێ لدارخە

ارك نیوز .. ئاژانسەكە روسی ئەشكەرە كر كو لسەر داخوازا بریتانیا و ئەرێكرنا وەلاتێ ئەەریكا ، ئەنجومەنا ئەولەهیا ناڤدەولتی وێ جڤینەكێ دەربارێ رەوشا ئدلبێ و داوین پێشهاتەیێن میدانی ئەنجام بدە .

ئاژانسا ریا نۆفستی یا روسی راگهاند كو وەلاتێ بریتانیا داخواز ژ ئەنجومەنا ئەولەهی خوەست كو جڤینەكێ دەربارێ داوین پێشهاتەیێن رەوشا ئدلب و گوندەوارێ وێ د زوترین دەم دە لدارخە ، د دەمێ كو هن ئاژانسێن دن یێن روسی دیار كریە كوهەر یەك ژ وەلاتێ ئەمەریكا وڤێتنام یاكو سەرۆكاتیا ئەنجومەنێ دكە لسەر ڤێ داخوازا بریتانی ئەرێ كرنە .

ئاژانسا تاس یا روسی وێ ژی ژ ئالیێ خوەڤە راگهاند كو بریارە د ڤێ حەفتیێ دە یان د حەفتیا بێ دە لسەر خوەستەكا بریتانیا ئەنجومەنا ئەولەهیا ناڤدەولتی جڤینا خوە دەربارێ رەوشا ئدلب وگوندەوارێ وێ لدارخە .

هەر دڤێ دەربارێ دە ئەمیندارێ گشتی یێ نەتەوێن یكگرتی فكارا خوە دەربارێ خرابوونا رەوشا مەیدانی لباژارێ ئدلبێ ژ ئەنجاما ئۆپەراسیۆنا لەشكەری ژ ئالیێ رێژیما ئەسەد و روسیا ڤە ، وخرابوونا رەوشا خەلكێن سڤیل دەربراند .

بەریا چەند رۆژانژی هەڤپەیمانیا نشتیمانی یا ئۆپۆزسیۆنا سوریێ دەرباری خرابوون و ئالۆزیا باژارێ ئدلبێ ژیەر تووندكرنا ئێریشێن رێژیم و روسیێ لسەر دەڤەرێن باژارێ ئدلبێ بانگەك ئاراستی جڤاكا ناڤدەولتی كر كو ڤان ئێریشێن هۆڤانە ژ ئالیێ رێژیم وروسییێ ڤە لسەر ئدلبێ كو حەفتێ وپێنج ژ سەدێ ژ خەلكێ ئدلبێ ژن و زارۆكن راوەستینە ، ودیار كر كو چەكدارێن رێژیما ئەسەد ومێلیسێن بسەرڤە رۆژانە بنپێكرن و كومكوژیان دەرحەقێ سڤیلان دە دكن .

ژ دەما دەسپێكرنا ئۆپەراسیۆنا لەشكەرێ یا رێژیمێ ب پشتەڤانیا روسیێ لسەر باژارێ ئدلبێ ، رۆژ ب رۆژ وهێزوێن رێژیمێ پێشڤە دچن و تا نها زێدەتری چل باژارۆك و گوندێن ئدلبێ خستنە بن كۆنترۆلا خوە دە .

262