توركیا : توو ئالیەك گووهەدانێ ب گووهەرتنا رێژیما سوریێ ناكە
ارك نیوز .. وەلاتێ توركیێ دبیژە توو ئالیەك گوهدانی ب گووهەرتنا رێژیما ئەسەد لسوریێ ناكە و نەژی فشارێ دكە ژبۆ نەهشتنا سەرۆكێ رێژیما سوریێ بشار الاسد ل لسەر دەستهلاتێ .
ئبراهیم كالن بەردەڤكێ سەرۆكاتیا توركیا د چارچۆڤەیا كارێن كۆربەندا دەوحە دە دۆه شەمیێ گۆتارەك پێشكێش كر و تێدە راگهاند كو ئیدی نها توو ئالیەك نینە و گوهدانێ ب گوهەرتنا رێژێمێ لسوریێ دكە و نەژی فشارێ دكە ژبۆ ژناڤبرنا بشار الاسد سەرۆكێ رێژیما سوریێ لسەر دەستهلاتێ .
كالن هەروەها د وێ گۆتارا خوەدە تەكەز كر وگۆت ب ریێا سیاسی كریزا سوریێ تێ چارەسەركرن نەك د ریێا لەشكەری رە .
بەردەڤكێ سەرۆكاتیا توركیێ ئبراهیم كالن بال كشاند سەر كارێ كۆمیتەیا نیڤساندنا دستورا سوریێ یا نوو ژی و گۆت پێویستە تەڤایا وەلاتان پشتەڤانیا كارێ كۆمیتەیا دستورا سوریێ یا پیشەرۆژێ بكن .
ل ئالیەكی دنژی ناڤبوری سەربار كر وگۆت كو جڤاكا ناڤدەولتی نە بتەنێ د پشتەڤانیا گەلێ سوریێ دە بسەر نەكەت لێ بەلێ د دیتنا چارەسەریەك سیاسی ژ كریزا سوریی رە ژی بسەر نەكەت و تا ها ژی نكارە رەوشا سوریێ چارەسەر بكە .
ژ ئالیێ خوەڤە ژی مولود چاویش ئۆغلۆ وەزیێ دەرڤە یێ توركیێ ل دەوحە راگهاند كو وەلاتێ وی پابەندیێ ب هەلوێستەك زەلال دكە د برسا رێژیما ئەسەد و گۆت كو سەرۆكێ كو نكاربە خاكا ولاتێ خوە و یەك پەرچە بكە و بپارێزە د وێ دەمێ دە توو رەواتیا وی لسەر دەستهلاتێ نامینە .
هەروەها ئۆغلۆ د كونرێ خوە یێ رۆژنەمەڤانی دە دۆه ئینێ ئەشكەرە كر وگۆت كو بریارە د سباتا بێ دە لۆتكەیەك دو ئالی ناڤبەرا وەلاتێ وی و روسیی دە وەرە ئەنجامدان ژبۆ گەنگەشەكرنا داوین پیشهاتەیێن رەوشا سوریێ بێ كو توو هوورگولیێن زێدەتر دەربارێ دەم و جهێ لدارخستنا وێ لۆتكەیێ دیار بكە .
366
