رێخستنهكه ناڤدهولتی : توركیێ وگرووپێن ب سهر ڤه ورێژیما سووریێ وچهكدارێن یهپهگێ بنپێكرنان دهرحهقێ عهفرینییان پێكتێنن
رێخستنا لێبۆرینا ناڤدهولتی راپۆرتهك دهرباری بنپێكرنێن كو گروپێن چهكدار وئارتێشا توركیێ ل عهفرینێ ورێژیما سووریێ وچهكدارێن یهپهگێ ل دهرڤهرێن دهربدهریێ ده دكن بهلاڤ كر.
د راپۆرتا رێخستنا لێبۆرینا ناڤدهولتی ده یاكو رۆژا پێنشهمێ 2/8/2018 هاتیه بهلاڤكرن كو ژ دهما توركیێ باژارێ عفرینێ كونترۆل كریه گروپێن چهكدار یێن لعفرینێ دمینن د بنپێكرنێن خوه ده دهرحهقێ وهلاتیێن كورد ده ژ كوشتن و بنچاڤكرن و تالانكرنا مال و ملكێن وهلاتێیان ل تهڤاهیا ههرێمێ بهردهوامن وسهربار كر كو ئارمانجا سهرهكه ژ وان بنپێكرنان رووخاندنا ژێخانهیێن باژێر وگوههرتنا دیمغرافی وشهوتاندنا دارستانان و گهشتیه ئاستێ تاوانێن جهنگی .
رێخستنا لێبۆرینا ناڤدهلتی ههروهها د راپۆرتا خو ده دبێژه هێزێن توركی ریێ دده وان گروپێن چهكدار كو بنپێكرنێن مهترسیدار لدژی سڤیلێن عفرینێ بێك بینن ..
ئهو داخویانیا رێخستنێ هات پشتی ڤهگۆلینێن وێ دهرباری رهوشا باژێر ژ دهما كونترۆلكرنا توركیێ ژ ههرێمێ ره
.
ههمان رێخستنێ د راپۆرتا خوه ده ئهشكهره كر كو گروپێن چهكدار یێن كو توركیێ پشتهڤانیا وان دكه بنپێكرنێن هۆڤانه د دهرحهقێ وهلاتیێن كورد ده كرنه مینا ههلمهتێن گرتنێ یێن بهرفره و بنچاڤكرن و كوشتن و ئهشكهنجهكرن ههروهها و دهستهسهركرنا مال و ملكێن و زهڤیێن وهلاتیان سهرباری تالانكرنا مال و ملكان ژبلی وێ دهستهسهركرنا دبستانێن عفرینێ كو ئهڤ یهك بوو سهدهما دووركهتنا ب ههزاران زارۆك ژ خوهندنا خوه .
ژ ئالیێ خوهڤه لین معلوف رێڤهبرا ڤهكۆلینان د پرۆگراما رۆژهلاتا ناڤین ده د رێخستنا لێبۆرینا ناڤدهلتی راگهاند كو ئێریشا توركیێ لسهر عفرینێ و كونترۆلكرنا وێ بوو سهدهما تێكجوونا رهوشێ عفرینێ بگشتی وسهربار كر كو نها توركیێ هێزا داگیر كهره ل عفرینێ ژبهر ڤێ یهكێ ئهو بهرپرسه دبهر پاراستنا سڤیلان و پێكئانینا ئارامیێ ده ل دهڤهرێ لێ تا نها توركیێ ب بهرپرسیارهتیا خوه وهكو پێویست بهرامبهری ڤێ یهكێ رانه بوویه ونابه وهلاتێ توركیێ ژ ئهركێ خوه برهڤه .
مهعلوف ههروهها گۆت كو پێویسته د زوترین دهم ده توركیێ دهستوهردانێ بكه ژبۆ راوهستاندنا ڤان بنپێكرنان و تاوانكاران سزا بكه و سۆزدان ب ئالیكاریا خهلكێن عفرینێ دهرباری ڤهگهرا ژیانا وان یا نۆرمال.
د راپۆرتا رێخستنێ ده ل سهر زارێ ژێدهر وههڤدیتنێن خوه هاتیه ههر یهك
"الفرقة 55"، و"الجبهة الشامية"، و"فيلق الشام"، و"السلطان مراد"، "وأحرار الشرقية"، بنپێكرنێن توند دهرحهقێ وهلاتییان كرنه وب بهانهیێن جودا جودا وهك ئهندامتیا پهیهدێ ب شێوهیهكی نه رهوا بێ سهر وبهر وهلاتییان بنچاڤ دكن ومهبست ژێ خوهستنا پهریان بهرامبهر سهربست وان ئانكو خوهستنا فدیه یه و86 رهوش گرتن وبنچاڤكرن رهڤاندن هاتن بهلگهكرن.
ل گۆر بهلگهكرنا رێخستنێ كو ب دههان مالێن وهلاتییان هاتنه دهستهسهركرن ول شوو نا وان دهربدهرێن عهرب تێده بجه بوونه یان بوونه بارگهه ژ گرووپان ره
دهربارێ بنپێكرنێن رێژیما ئهسهد وچهكدارێن یهپگێ ل ناڤ كامپان ده رێخستنێ دا زانین كو وهلاتیێن ژ بهر شهر رهڤیابوون ونها ل كامپان ل دهڤهرێ" حهلهبێ دژین كو هژمارا وان 140 ههزار كهسه تو ئالیكاری وخزمهتگوزاری ژ وان ره ناێن پێشكێش كرن ونهخاسم گوهدانا تهندروستی ورێ ژ نهخوشان ره ناێ ڤهكرن داكو بهرێ خوه بدن حهلهبێ .
ههروهها چهكدارێن سهر ب رێژیمێ ڤه ناهێلن دهربدهرێن عهفرینێ ژ دهڤهرێن گوندێن حهلهبێ دهركهڤن وبهرێ خوه بدن باژارنه دن كو هژمارهك ژ وان نهچار دبن پهرهێن زێده بدن داكو ب قاچاغی دهرباس حهلهبێ ببن.
دهربارێ چهكدارێن یهپهگێ رێخستنا لێبوورینا ناڤدهولتی گۆت كو ئهو چهكدار ب مهبست رێ ل پێشیا خهلكێ عهفرینێ دگرن داكو ڤهنهگرن مال ووارێن خوه كو تهڤی وێ یهكێ ب سهدان دریێن چیای ره خوه گهاندن عهفرینێ.
رێخستنێ ل سهر زارێ ژنهكه عهفرینێ دبێژه كو چهكدارێن یهپهگێ نههشتن ئهو د ریا فهرمی ره ڤهگهرن عهفرینێ لهوما نهچار بوو ئهو ومهتا خوه یا 60 سالی 5 دهمژمێران بمهشن داكو خوه بگهینن عهفرینێ .
امنستی ههروهها دا دیاركرن كو ب تهنێ نوخوشخانهیهك ودوو نورینگهه ل دهڤهرا كو ب شههباێ تێ ناسكرن ههیه و تو پسبوورێن پزیشكی د وان ده ران ده تونهنه
د داویا راپۆرتا رێخستنێ ده لین مهعلوف دبێژه كو رێژیما سووریێ و چهكدارێن یهپهگێ ئێش وئازارێن خهلكێ د دوورپێچكرنا دهربدهران د دهڤهرێن دهردۆرا حهلهبێ و د ناڤ كامپان ده زێدهرتر دكن ودڤێ رێ ژ خهلكێ ره ڤهكن داكو بهرێ خوه بدن جه وباژارێن كو دخوازن بچن نهخاسم ژ نهخوهش وبریندارران ره
مهعلووف ههروهها بانگ ل رێژیما سووریێ و چهكدارێن یهپهگێ كركو رێز ژ ماڤێ وهلاتییان ده بگرن ورێ ژ خهلكێ ره ڤهكن داكو ڤهگهرن مال ووارێن خوه ههروهها نهخوهشێن كو پێویستیا وان ب جارهسهریێ ههیه رێ ژ دهرخستنا وان ره وهره دایین .
737
