سالح موسلم : ئهمێ شهرێ تهرۆرێ ل ئدلبێ بكن وئهردۆگان دبێژه ههر ئێریشهك وهره سهر ئدلبێ نایێ پهژراندن
ههڤسهرۆكێ بهرێ یێ پارتیا یهكیتیا دهمۆقرات پهیهدێ راگهاند كو ئهو ئامادهنه شهرێ تهرۆرێ ل پارێزگهها ئدلبێ بكن د ههمان دهمان ده سهرۆكێ توركیێ دا خویاكرن كو ههر ئیریشهك وهره سهر ئیدلبێ نایێ پهژراندن .
د لێدوانهكه رۆژنامهڤانی ده سالح موسلم ههڤسهرۆكێ بهرێ یێ پارتیا یهكیتیا دهمۆقرات پهیهدێ د 29/7/2018 تهكهز كر كو ئهوێ بهشداریێ د شهرێ ئیدلبێ ده بكن وئهو بریار بریارا وی یه وگۆت رێكهفتنا وان ب ههڤپهیمانیا ناڤدهولتی ره شهرێ تهرۆرێ یه وههر ههبوونهك ژ گرووپێن تهرۆریست ل سهر خاكا سووریێ وهك گهڤ وتههدیدهك ژ وان ره وسووریا وگهلێ وێ ره یه و دڤێ شهرێ وان وهره كرن .
موسلم سهربار كر گرووپێن ل ئدلبێ ده نه ههر گرووپا كو شهرێ وان ل دهڤهرێ وان كرنه ههروهها ههمان گرووپێن كو عهفرین داگیر كرنه لهوما ئهوێ ب ههر تشتهكی ژ وان تێ خوهستن رابن ومهترسیێ سهر عهفرین وههموو خاكا سووریێ راكن .
ژ ئالیێ خوه ڤه سهرۆكێ توركیێ رهجهب تهیب ئهردۆگان بهریا كو ژ لووتكهیا برێكس یا ل باژارێ جۆهانسبێرگ یا باشوورێ ئهفریقاێ وهره گۆت كو ههر ئێریشهك ژئالیێ رێژیما سووریێ وهره سهر پارێزگهها ئدلبێ نایێ پهژراندن وبال كشاند سهر وێ یهكێ كو خالێن چاڤدێریێ ل وێ دهرێ ههنه وئهو یهك ب ههفشانێ خوه یێ رووسی ره گهنگهشهكریه .
ههروهها ئهردۆگان ئاماژه پێ كر كو ژ پۆتێن خوهستیه ب رێكارێن پێویست دهربارێ ئێریشین سهر ئیدلبێ راببه وئهو یهك نایێ پهژراندن ژ بهر كو 12 خالێن چاڤدێرییا لهشكهری دهردۆرا ئیدلبێ ههنه .
بهریا نهها ژی سهركردهیێ تهڤدهمێ ئالدار خهلیل راگهاندبوو ئهوێ بهشداریێ د شهرێ ئیدلبێ ده بكن و ئهو یهك بوو جهێ نه رحاتییا سیاسهتمدار وچاڤدێران كو عهفرینا كوردی ب پێشكاری ژ ئدلبهیا عهربی ب ناڤ كرن وخوهستن جوانێن كورد د باژارهكی عهربی ده نهدن كوشتن وهك مونبج رهققا دێرهزۆر وتل رفعهت ...
پارێزگهها ئیدلبێ د ڤێ دهما داویێ ده د رهوشهكه تهلههڤیێ ده یه وههردهم بوویهرێن كوشتن رهڤاندن وتهرۆركرنا مهیدانی دهرحهقێ چهكدار سڤیل وفهرماندارن تێنه ئهنجامدان .
ل گۆر راوهنگهها سووری یا ماڤێ مرۆڤان كو لههڤهاتنهك ناڤبهرا گرووپێن چهكدار ده ژ بۆ دووبارا دامزراندن وبهێزكرنا چهكدارێن خوه ل ژێر ناڤێ چهكدارێن جهیش الفتح ده ههیه كو ئهو یهك هات پشتی گهڤ وگوڤاژێن رووسیێ ورێژیما ئهسهد ل باژێر لهوما ئامادهكاری ژێره تێ كرن .
ش.ع
537