قامشلۆ: كامیۆن چاوا دهرباسی باژێر بوو
آرك نيوز .. د بیست و حهفتێ تیرمهها دوههزار و شازدههان ده تهقینهكه مهزن برێیا كامیۆنهكه بۆمبهكری ژئالیێ چهكدارهكی داعشێ ڤه ل ناڤا باژارێ قامشلۆ روودا, د ئهنجامێ ده بهتر شێست وهلاتی شههیدبوون و بهتری سهد وهلاتیێن دن بریینداربوون.
لێ پرسا كهتیه هۆلێ چاوا ئهو كامیۆن دهرباسی ههموو رێبهندێن پهیهدێ بوو و خوه گهاند ناڤا تاخا غهربی و ئارمانجا خوه پێكئانی, د ڤێ راپۆرتێ ده, ئهمێ رێیێن باژارێ قامشلۆ یێن كو تێن كۆلانا تاخا غهربی ئانگو جهێ تهقینێ شرۆڤهبكن
ل گۆری شرۆڤهكار و چالاكڤان و نشتهجیێن باژارێ قامشلۆ, هن خالێن نهدیار و ووندایی ههنه, لێ بهرامبهری وێ یهكێ ژی, خالنه ل بهر دهست ههنه دیار دبه چاوه ئهو كامێۆن ل سهر ههموو رێبهندێن پهیهدێ ره دهرباسی باژێر بوویه, تهڤێ كو پهیهدێ وێ یهكێ ئنكار دكه و دبێژه ل سهر رێبهندێن مهره دهرباس نهبوویه.
سێ رێیێن سهرهكه یێن كو تێن باژارێ قامشلۆ ههنه, رێیا عاموودێ, رێیا حهسهكێ و رێیا دێركێ, هاوردۆرێ قامشلۆ ژی زنارهك ئانگو حزامهك ههیه, كو نابه كامیۆن و بارهلگر دهرباسی باژێر ببن, و دڤێ د رێیا زنارێره چوون و هاتنێن خوه پێك بینن.
تهخمینێن كو تێن كرن كو ئهو كامیۆن ژ رێیا عاموودێ ڤه هاتیه, بهری دهرباسی قامشلۆیێ ببه, رێبهندهكه پهیهدێ ل ناڤچهیا عهلی فهرۆیێ ههیه, و پشتره رێبهندا سهرهكه یا ناڤچهیا هیمۆیێ ههیه, كو ئهڤ وێنه د دهمژمێر نهه و دهه خوهلك و چل و سێ چركه ل سهر رێبهندا هیمۆ یا پهیهدێ هاتیه كشاندن واته بهری تهقینێ ب سێزده خولهكان, دیمهنت و شێوهیا شۆفێرێ وێ كامیۆنێ ژی جهێ گۆمانێ نه.
پشتی ههردو رێبهندێن عهلی فهرۆ و هیمۆ, پۆلیسێن ترافیكێ یێن پهیهدێ ل سهر فلكهیا هلێلیێ ههنه, كو بهرێ كامیۆنان ددن زنارێ ئانگو حزاما قامشۆیێ, پشتی وێ یهكێ ژی بهرهڤ ناڤا باژێر پۆلیسنه دن یێن ترافیكێ یێن پهیهدێ ل سێریانا مهساكن رمێلان ههنه, و پشتره ب ههسانی كامیۆنێ خوه گههاندیه كۆلانا تاخا غهربی و خوه ل ور تهقاند.
پهیهدێ و سهركردهیێن وێ دبێژن دبه كو ئهو كامێۆن ژ مربع الامنی, ئانگو چار گۆشهیا ئهوهلكاریێ هاتبه و پشتره خوه ل كۆلانا تاخا غهربی تهقاندنبه.
لێ لگۆری كورته ڤیدیۆیا بهلاڤبووی, ژ ئالیێ كامیرهیهكه چاڤدێریێ یا دوكانهكێ ل كۆلانا منیر الحبیب, بهریا تهقینێ ب پازده چركهیان ئانگو سانیان , ههمان كامیۆنا ل سهر رێبهندا هیمو دهرابسبووی, هات دیتن و ژ ئالیێ رێیا عاموودێ ڤه دهات و خوه گهاند كۆلانا تاخا غهربی و خوه تهقاند.
تهڤی كو پهیهدێ ئدعاو دكه ئهو رۆژئاڤایێ كوردستانێ دپارێزه لێ بهردهوام بویهرێن تهقین و ئێریشێن تهرۆرێ ل سهر ناڤچهیێن رۆژئاڤایێ كوردستانێ رووددن, تهڤێ كو ب دههان رێبهندێن پهیهدێ ههنه, جوانان ژبۆ لهشكهریا نهچار, سیاسهتمهدار و ههر كهسێ دژبهرێ سیاسهتێن وێ به دگره لێ چاوا ئهو كامیۆنا مهزن لسهر ههموو رێبهندێن پهیهدێ ره دهرباسبوویه بێ راوهستاندن و ئارمانجا خوه پێك ئانی,و ئهو پرس وێ بمینه ل هۆلێ ل بهندا بهرسڤهكه جهێ باوهریێ به.
672
