ب بلندكرنا وێنهیا ئۆجهلان سالڤهگهرا تهقینا قامشلۆهاته ڤهژاندن
آرك نيوز .. ب بلندكرنا وێنهیا سهرۆكێ پارتیا كاركهرێن كوردستانێ عهبدالله ئۆجهلان و هلدانا ئالێن پهكهكێ رێڤهبهریا پهیهدێ یا خوهسهر سالڤهگهرا دوویهم یا تهقینێن قامشلۆ ل ناڤهندا باژارێ قامشلۆ ڤهژاند.
د ههمان رۆژا تهقینا قامشلۆ یا تهرۆری د بیست وههفتێ مهها حهفتان كو بهریا دووسالان هاتبوو روودان وب بهشداربوونا ژنان وبلندكرنا ئالا پهكهكێ ووێنهیا ئۆجهلان پهیهدێ تهقینێن قامشلۆ ب بیرا خوه ئانی بێ كو وێنهیا پاكرهوانێن كو د وێ بوویهرا تهرۆری ده ژیانا خوه ژ دهست دانه وهره هلدان.
ب بلنكرنا وێنهیا ئۆجهلان وتونهبوونا وێنهێن پاكرهوانان یان وێنهێن تهقینا بوویهرێ بوو جهێ نهرازیبوونا سیاسهتمهدار وچالكڤانان ورهخنهیهك توند ل پهیهدێ هاته كرن وب بێ رێزییا ل خوونا شههیدان بناڤكرن.
شێست ودوو پاكرهوان وسهد وههفتێ وپێنچ بریندار بوونه قوربانییا تهقینا بارهلگرهكه بۆمبرێژكری د سبهها رۆژا چارشهمێ وب دههان مال وملكێن وهلاتیێن تاخا رۆژئاڤا یا باژارێ قامشلۆ راستی زیانێ هاتن.
تهڤێ خوهلگرتنا رێخستنا داعشێ یا تهرۆری ژ وێ تهقینێ ره لێ تا نها تو داپێدانهك یان لێبوورینهك ژ برپرسێن پهیهدێ و چهكدارێن ل سهر رێبهندان نه هاتیه دهر وتا نها نه زهلالییهك دهربارێ چاوانییا چوونا بارهلگرهك بۆمبرێژ كری ژ ناڤهندا باژێر ره ردهرنهكهتیه .
وپشتی دهرباسبوونا دووسالان ژ بوویهرێ ره هژمارهك ژ وهلاتیێن كو راستی زیانێ هاتنه د خانیێ كرێ ده نه ونه هاتنه قهرهبووكرن ئانگو تهعوید ژ وان ره نه هاتیه پێشكێش كرن .
801
