عبدالحكیم بشار : دیالۆك یان ئستدعائه ؟؟
ده‌ربارێ سه‌ره‌دانا شاندا په‌یه‌دێ ژ بۆ شاما پایته‌خت ودانوستاندنێن په‌یه‌دێ ورێژیما سوریێ دكتور عبدالحكیم به‌شار ئه‌ندامی پولیتبیرویا پارتیا دیموقراتا كوردستان سوریا گوتاره‌ك به‌لاڤكر تێده به‌حسا هورگولیێن دانوستاندنێن رێژیم وپه‌یه‌دێ دكه .
د گوتارا بناڤێ گه‌لو ئڤ دیالوكه یان راخوه‌ستنه ئانگو استدعائه ؟ به‌شار دبێژه ئه‌گه‌ر شاندا په‌یه‌دێ بناڤێ په‌یه‌دێ به یان ژی بناڤێ چه‌كدارێن سوریایا دیموقرات به یان ژێ رێڤه‌به‌ریا خوسه‌ر به یان چ ناڤه‌كی دن به لێ بریار ژ سه‌ركردایه‌تیا قه‌ندیل هاتیه وكوردێن سوریێ تێن بكارئانین ژ ئالیێ وان ڤه .
تشتێ كو ل شامێ دناڤبه‌را په‌یه‌دێ ورێژیما سوریێ رودده نه دیالوكه , ما كه‌نگی رێژیم دیالوكێ ب نونه‌ر وشانده‌رێن خوه دكه ؟ تشتێ كو ل شامێ رودده دوباره به‌لاڤكرنا كار ه پشتی كو په‌یه‌دێ قوناغا یه‌كێ ژ كارێ خوه بداوی ئانی ونه‌ها بو ده‌ما كو رێژیم دورباره كونترولا خوه ل ده‌ڤه‌رێن دبن كونترولا په‌یه‌دێ ده فه‌رز بكه .
رێژیمێ پلانه‌ك دانیه ود ده‌مه‌كه نیزیك ده وێ تێكه‌ڤه وارێ جیبه‌جیكرنێ ..
به‌شار دبێژه وێ هه‌می نیشانێن كونترولكرنا په‌یه‌دێ ژ ده‌ڤه‌رێ وه‌رن راكرن هه‌روه‌ها وێ ناڤێ چه‌كدارێن ب سه‌ر په‌یه‌دێ ڤه ژی وه‌رن گوهه‌رتن مینا ناڤێن یه‌په‌گێ و په‌په‌ژێ .
هه‌روه‌ها وێ چه‌كدارێن په‌یه‌دێ ژ ئالیێ ئه‌فسه‌ر وئه‌ندامێن رێژیمێ وه‌رن برێڤه‌برن هه‌روه‌ها وێ به‌شه‌ك ژ وان ته‌ڤلی ئارتیشا رێژیمێ ببن ل گوری حه‌وجه‌داریا رێژیمێ , وچه‌كدارێن مایێ وێ وه‌رن دورخستن یان ژی ل جهن دن د ده‌زگه‌هێن رێژیمێ وه‌رن بكارئانین .
ده‌زگه‌هێن فه‌رمێ وێ بگشتی ڤه‌گه‌رن كارێ خوه ل باژارێن كوردی , هه‌روه‌ها گرتن و كوشتنا سه‌ركرده‌یێن سیاسی وئه‌وله‌هی وله‌شكه‌ری یێن په‌یه‌دێ یین كو ڤێ پلانێ ره‌د بكن وێ ده‌ست پێ بكه .
هه‌روه‌ها ته‌روه‌ركرنا خه‌باتكار وسیاسه‌تمه‌دارێن كورد ل سه‌ر ده‌ستێ په‌یه‌دێ و بریارا ده‌ستهلاتێ واته رێژیما سوریێ وێ وه‌ره كرن .
حه‌كیم به‌شار د داویا گوتارا خوه ده دبێژه په‌یه‌دێ هه‌ول دده ژ خه‌لكێ ره دیار بكه كو دانوستاندنێن ب رێژیمێ ره بێ مه‌رجن داكو روێ خوه ل پێشیا وان سپی بكه بتایبه‌ت ل پێشیا مالباتێن كو جوانێن خوه كرن قوربانی د به‌ر په‌یه‌دێ وسیاسه‌تا وێ ده لێ رێژیم وێ رو سپی كرنێ ژی ناده وێ ژ به‌ر كو كارێ په‌یه‌دێ بداوی هاتیه ورێژیم نه‌ما پیویستیا وی ب وان هه‌یه له‌وما وان استدعائ كرن ژ بو شامێ ژ بو وان ئاكادار بكن نه دیالوكێ ب وان ره بكن ژ به‌ر كو رێژیم تو جاران دیالوكێ ب وان ره ناكه .
المقال يعبر عن رأي الكاتب
608
