148.4 مەلیۆن یۆرۆ ژبۆ ناڤچەیێن دەرڤەیێ كۆنترۆلا ئەسەد هاتن تەرخانكرن
سەد و چل و هەشت مەلیۆن یۆرۆ ژ ئالیێ سندۆقا ئئتمانێ ڤە یا ژبۆ دوبارەئاڤاكرنا سووریێ ژبۆ ناڤچەیێن دەرڤەیی كۆنترۆلا رێژیما سووریێ هاتن تەرخانكرن.
د جڤینا ئاسایی یا ژمارە بیست و دوو دە یا كۆمیتەیا رێڤەبەریا سندۆقا ئئتمانێ كو ل براگا پایتەختا تشیكێ رۆژا پێنشەما بۆری هاتبوو لدارخستن، و نوونەرێ هەر یەك ژ هەڤپەیمانیا نشتیمانی یا هێزێن شۆرەش و ئۆپۆزسیۆنا سووریێ و حكوومەتا سووری یا دەمكی ژی ئامادەبوون، سندۆقێ لسەر پەرەپێدانا هەژمارەك ژ پرۆژەیێن ل وان ناڤچەیان ئەرێكرن، ئەو پەرەپێدان ژی وێ بقاسی سەد و چل و هەشت بۆینت چار مەلیۆن یۆرۆی بە.
ل سەر ڤێ یەكێ مالپەرا فەرمی یا هەڤپەیمانیا ئۆپۆزسیۆنێ بەلاڤكریە كو ژ وان پرۆژەیێن كو وێ پشتەڤانیێ ببن، پشتەڤانیا بەرەڤانیا شارستانی ژبۆ هلانینا پاشمایان ئاڤاهیان و پاشمایێن ماینان ژ هەشت باژار و باژارۆكێن گوندەوارێ حەلەبێ، هەروەها پرۆژەیەك دەربارێ دوبارەئاڤاكرن و چاكرنا عەمبارەكێ و ساركەرێن كەسكاتیێ یێن ئەنجومەنا خوەجهی یا باژارێ مارعێ، هەروەها پرۆژەیا كلینینكێن گەرۆك ژبۆ گوهدانا تەندوروستی و پرۆژەیا پەیداكرنا ئاڤا ڤەخوارنێ ژبۆ جڤاكێن گوندەوارێن پارێزگەها رەقایێ ژی.
سندۆقا ئئتمانێ ژ ئالیێ كۆما دۆستێن سووریێ ڤە سالا 2013ان هاتیە ئاڤاكرن، و ژ هەر یەك ژ ئەلمانیا، ئەمەریكا، ئمارات، فرەنسا، كوێت، ژاپۆن، دانیمارك، ئیتالیا، توركیا و ئۆردونێ پێك تێ، هەڤپەیمانیا ئۆپۆزسیۆنێ ژی سەرۆكاتیا ئەنجومەنا رێڤەبەریا وێ سندۆقێ دكە.
261
