عهفرین .. عهرهبێن د مالێن كوردان ده بجهبوونه نه رازینه ژ مالێن كوردان دهركهڤن
دهربدهرێن عهرب یێن ل گۆر رێكهفتنێن وهلاتێن ب هێز ژ دهڤهرێن خوه ل غووتهیا رۆژههلات وحومس وئیدلبێ ل گوند وناڤچهیێن عهفرینێ ب جه بوونه خوهپێشاندانهك نه رازیبوونێ ل ناڤچهیا مۆبهتا یا عهفرینێ لدارخست وبهشداران خوهستن ژ مالێن كوردان دهرنهكهڤن .
پشتی كو حكومهتا توركیێ وبهرپرسێن وان ل عهفرینێ و ئهنجومهنێن خوهجهێن بریارا دا كو دهبدهرێن عهفرینێ یێن ل شوونا كوردان ده بجه بوونه ووب تایبهت دهما كورد ڤهدگرن مالێن خوه مالان ب جه بهێلن ودهركهڤن نهخاسم ل ناڤچهیا مۆبهتا كو بریارا بجه هشتنا 50 مالان هاتیه دهر دهربهدهرێن عهرب ل مۆبهتا نهرازیبوونا خوه دانه خویاكرن ونه خوهستن ژ مالێن كوردان دهركهڤن .
رۆژا ئینێ 26/7/2018 دهربهردهێن عهرب یێن ل مالێن كوردان ده ل ناڤچهیا مۆبهتا بجه بوونه خوهپێشاندانهك ل دژی بریارا بجهشتنا وان ژ مالێن كوردان ده وچوونا وان ناڤ كامپان ده لدارخست .
لگۆر ئاگاهی وزانیارییان كو كهسێن د خوهپێشاندانێ ده بهشدار بوونه خهلكێ غووتهیا رۆژههلات یا شاما پایتهختا سووریێ وخهلكێ حومسێ و هن دهڤهرێن دن بوون ودروشم وسلۆگانێن وان ئهو بوو كو ئهو دهرناكهڤن و چهند جاران ئهوێ وهرن دهرخستن .
ژ دهما كو شهر ل عهفرینێ سست ولاواز بوویه مالباتێن كورد یێن عهفرینێ ههولدان ژ دهڤهرێن دهربهدهریێ دهركهڤن وڤهگهرن مالێن خوه لێ ئهو یهك ژ ئالیێ ههر یهك ژ ئارتێشا توركیێ وگرووپێن چهكدار وچهكدارێن پهیهدێ وملیسێن نبل وزهرایێ رێگری ژ وان ره هاته كرن ول ههرمبر وێ دهرفهت ژ خهلكێ عهرب ره هاته ڤهكرن داكو د جهێن كوردان ب جه ومال ببن وبهشهك بجووك دناڤ كامپان مان لهوما نهخوازن ژ مالان دهركهڤن ود كامپان ده بژین.
755
