پۆلیتبیرۆیا پارتیا دیموقراتا كوردستان سووریا نامەیەكە پیرۆزباهیێ ژبۆ سەرۆك بارزانی شاند
ب هەلكەفتا سالڤەگەرا پێنجی و هەشتان یا شۆرەشا ئەیلوونێ، پۆلیتبیرۆیا پارتیا دیموقراتا كوردستان سووریا نامەیەكە پیرۆزباهیێ بۆ سەرۆك مەسعوود بارزانی و پارتیا دیموقراتا كوردستانێ شاند، ب رێیا وێ نامەیێ پیرۆزباهی بناڤێ سەكرەتەرێ خوە سعوود مەلا و سەركردە و كادرۆ و جەماوەرێ خوە ئاراستەیی مالباتێن شەهیدان و پێشمەرگەیێن قەهرەمان و جەماوەرێن گەلێ كوردستانێ پێشكێش كر.
د نامەیا خوە دە پۆلیتبیرۆیا پەدەكەسە گۆت كو شۆرەشا یازدەهێ ئەیلوونێ كو ب دەست و سەركردایەتیا بارزانیێ نەمر هات تەقاندن ڤەگوهەستنەكە جۆرانە و پێشكەتی د دیرۆكا شۆرەش و سەرهلدانێن كوردی دە بوو، كو بنگەه ژبۆ ئاڤاكرنا دبستانا خەباتكاریێ ژبۆ گەلێ كوردستانێ ژبۆ چەسپاندنەكە بهتر یا هیڤی و دیتنێن خوە ب رێیا خەباتا بەردەوامانە، دامەزراند، وێ شۆرەشێ هەروەها وانەیەكە نایێ ژبیركرن دا ئالیێن شۆفینی و نەچاتپەرەست، و ب سایا خوینا شەهیدان لقادێن شەر یان ب رێیا چەكێن كیماوی یان ئەنفالكرنێ و خەباتا پێشمەرگەێن قەهرەمان و سەركردایەتیا هشمەند، ڤێ شۆرەشێ كاری دەسكەفتن و ئارمانجنە بهتر بجی بینە، مینا نەچاركرنا رێژیما عێراقێ یا ژناڤبری ژبۆ ئمزەكرنا داخویانامەیا یازدەهێ ئادارا 1970ێی كو ل گۆری وێ داخویانامەیێ ئعتراف ب ئۆتۆنەمیا كوردستان و گەلێ وێ هات كر.
هەر د وێ داخویانیێ دە پۆلیتبیرۆیا پەدەكەسە دبێژە ئیرۆ ژی رێبازا كوردایەتیێ، رێبازا بارزانیێ نەمر بهتر خوە دچەسپینە، و بخوە رە ژی پرۆژەیا نەتەوەیی یا كوردستانێ ب سەركرداەیتیا بارزانی بەرفرەهتردبە، و ئێدی چاڤێ گەلێ كوردستانێ ل دەستكەفتننە بهترن نەخاسم پشتی رێفراندۆما دیرۆكی یا 25ێ ئەیلوونا 2017ان كو كەڤرێ بنگەهێن یێ سەربخوەییا كوردستانێ دانی.
د داویا داخویانامەیێ دە پۆلیتبیرۆیا پارتیا دیموقراتا كوردستان – سووریا ب ڤێ هەلكەفتێ تەكەزیا خوە لسەر بەردەوامیا سۆزا لایەنگری و دلسۆزیێ ژبۆ پرەنسیپێن نەتەوەیی و خەبتكاریێ لگۆری رێبازا كوردایەتیێ ریبازا بارزانیێ نەمر نیشان دا.
405
