پارێزگارێ حەسەكێ چەكدارێن پ ی د بـ عیسابە بناڤ دكە
پارێزگارێ حەسەكی یێ رێژیما سووریێ چەكدارێن پارتیا یەكیتیا دیموقراتیك پ ی د بـ عیسابە بناڤ دكە و دبێژە دەستهلاتداریا رێژیمێ ل سەر سرانسەری پارێزگەها حەسەكێ هەیە.
د هەڤدیتنەكێ دە ل گەل رۆژنامەیا ئەلوەتەن یا بسەر رێژیمێ ڤە پارێزگارێ حەسەكێ حەموود جایز ئەلمووسا گۆت كو رێژیم بـ رێیا شارەداریێن خوە دەستهلاتا خوە لسەرانسەری ناڤچەیێن پارێزگەها حەسەكێ دسەپینە و ئەو شارەداری كارێن خوە بئاسای برێڤە دبن و گۆت ژی كو رێژیما سووریێ دێ هەموو خاكا سووریێ رزگار بكە و تو ناڤچە بێ دەستهلاتا رێژیمێ نامینن.
ئاخافتنێن پارێزگارێ حەسەكێ پشتی وێ یەكێ هاتن كو چەكدارێن پ ی د دەرباسی ئاڤاهیەكە خوەندی و خزمەتگوزاریێ یا رێژیمێ ل تاخا زهوور یا باژارێ حەسەكێ بوون تێن ، كو د وێ ئاڤاهیێ دە دبستان و پەیمانگەها گەشتوگوزاری و هۆتێلزانیێ هەنە، و گۆت كو ئەڤ كریارا پ ی د بەرۆڤاژیێ رێكەفتنێن وێ ب رێژیمێ رە تێن و گۆت ئەوێ وێ ئاڤاهیێ ڤەگەرینن و نها هەولنە ناڤبێنكاریێ ژی هەنە و چەكدارێن پ ی د بـ عیسابە ژی بناڤ كرن.
ناڤبەرا دەم و دەمەكێ دە پ ی د و رێژیم ل ناڤا باژارێ حەسەكێ و قامشلۆ لهەڤدكەڤن و زیان دگهە خوەندەكار و وەلاتیان بگشتی و پشتی وێ یەكێ دیسان لهەڤ دكن، چالاكڤان ژی دبێژن ئەو یەك تەنێ شانۆنە ناڤبەرا رێژیم و پ ی د و هەردوو ئالیان ئارمانجنە خوە یێن جۆراجۆر ژێ هەنە.
443
