بێدرسۆن و زەریف كۆمیتا دستوری یا سوریێ گۆتووبێژكرن

ارك نیوز .. دۆه شاندەیی ناڤدەولتی یێ تایبەت ژبۆ سوریێ بەرێ خوە دا وەلاتێ ئیرانێ و لگەل وەزیرێ دەرڤە یێ ئیرانێ رە جڤیا .

شاندا ناڤنەتەوی یا تایبەت ژبۆ سوریێ لسەر رووپەلا خوە یا تۆرا جڤاكی تویترێ بەلاڤ كر كو دۆه گێر بێدرسۆن شاندەیی ناڤدەولتی یێ تایبەت ژبۆ سوریێ ل تەهرانێ پایتەختا ئیران ب محمد جواد زەریف وەزیرێ دەرڤە یێ ئیرانێ رە جڤیا ، و د جڤینێ دە داوین پێهاتەیێن كۆمیتەیا دستوری یا سوریێ گفتوگۆكرن ، هەروەها عەمان شاندا ناڤنەتەوی ئەو هەڤدیتنا ناڤبەرا بێدرسۆن و زەریف ل تەهرانێ ب جڤینەكە ئەرینێ بناڤ كر .

شاندا ناڤهاتی لسەر زارێ شاندەیێ ناڤدەولتی یێ تایبەت ژبۆ سوریێ ڤەگوهەست كو كۆمیتەیا دستوری یا سوریێ بەر بداویبوونێ یە لگۆری بریارا ئەنجومەنا ئەولەهیا ناڤدەولتی بیست ودوو پێنجی و چار.

بێدرسۆن سەربار كر وگۆت ژی كو ژبۆ راوەستاندنا شەر و تووندوتووژیی لسوریێ پیویستە د زوترین دەم دە چارسەریەك سیاسی وەرە دیتن .

شاندەیێ ناڤدەولتی یێ تایبەت ژبۆ سوریێ تەكەز كر و گۆت د دەمەكە نێزیك دە وێ كۆمیتەیا دستورا سوریی یا پێشەرۆژێ وێ دەست ب كارێ خوە بكە ، بێدرسیۆن بەریا چەندر رۆژان د جڤینا ئەنجومەنا ئەولەهیا ناڤدەولتی دە دەربارێ سوریێ دە گۆتبوو كو ئەگەرەك مەزن هەیە كو بەری داویا ڤێ مەهێ كۆمیتە وەرە ئاڤاكرن .

شاندا ناڤنەتەوی یا تایبەت ژبۆ سوریێ ئەشكەرە ژی كر كو بریارە د رۆژێن بێ دە بێدرسۆن سەرەدانا شاما پایتەختا سوریێ بكە و لگەل بەرپرسێن ریژیما ئەسەد رە بجڤە وپشترە وی بەرێ خوە بدە واشنتۆنێ داكو لگەل بەرپرسێن ئەمەریكی داوین پیشهاتەیێن كۆمیتەیا دستوری یا سوریێ گفتوگۆبكن .

259